EZEKIA 7:7 - Mara Bible RV (BSI)

⁷ Hy râh liata a pahrâpa y, na raona ta a cha vaw tlô thlu haw. Daihti vaw tlô ta, noh â hnia. Tlâhzy chô liata a lypa ta awhna noh châ leipa ta, tyhreihna noh a châ.

EZEKIA 7:7 ပူးပေါင်းရင်းမြစ်များ

ÂTHAONA 19:15

My khih a vaw dei nahta, vâlyuhchâpazy ta Lawta cha para ei ta, “Thyu la, he liata a ypa na lapinô nata na sawchanô panozy he puakhei teh. Chataleipatala, he khihpi hriena liata namâ hlao pathlei aw na,” tah ei ta.

ÂTHAONA 19:24

Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

ISAI 13:22

O sâhpazy liata changiezy pahrâ aw ei ta, Abei o ngiaryh chhihpazy liata savaizy ama pahrâ aw. Babylaw hriena daihti cha a hnia ha ta, A nohzy pasisapa châ aw vei.”

ISAI 16:10

Lyu kôvei pha kaw tyhpa tawhta, Alyna nata thaphana zy pai ha ta; Kre sadôzy liata hla sa khao leipa ei ta, Rahao khao hra leipa ei ta, Kre saohtuhpazy ta kre saohna liata saoh khao veih ei; Thaphana pyuzy ei chalihsa khai haw.

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 22:5

Pheisaih Abeipa Zehôvâh noh cha, Aluahna saikao liata vaw tlô aw ta; Cha noh cha tymâna noh châ aw ta, Tlypâna nata nôpona noh a châ aw; Thokhy paraona noh châ aw ta, Tlâhpizy awsaona noh a châ aw.

ZEREMIAH 20:7

Hy Abeipa, na dôvei chi ta, Dôveipa ta ei y ha hih. Nâ cha kei hlâta thatlô viapa châ chi ta, Eina pahnie ha chi. Noh y ta pahnei parâsaopa ta y na ta, Chyhsa to ta eina pasipasawh ei.

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

EZEKIA 12:28

Chavâta âmo hnohta reih la, ‘Abeipa Zehôvâh ta hetana heta a tah: Ei bie kheihawhpa hmah pahawhsapa châ leipa aw ta, ei bie reipa cha taopa a châ aw, Abeipa Zehôvâh ta a tah,’ tah mah y,” tah ta.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?