EZEKIA 7:5 - Mara Bible RV (BSI)

⁵ “Abeipa Zehôvâh ta hetana heta a tah: Chhiena! Chhiena sai! Moh teh, chhiena a vaw tlô.

EZEKIA 7:5 ပူးပေါင်းရင်းမြစ်များ

BIESOZY 13:21

Moleipazy cha chhiena ta chadai ei ta, Mosiapazy deikua cha phana ama hmô tyh.

BIESOZY 24:16

Mosiapa cha ei sari pao hra sala thyu heih tyh ta, Moleipazy deikua cha ei kha chhie atyhna liata amâ hluah tyh.

ISAI 21:12

Riahvaituhpa ta, “My vaw châ daihmâ ta, Zâ a vaw châ heih aw. Nama hiahri khoh khiahta cha, Hiahri u la; A vy u la, Hiahri heih teh u,” tah ta.

ZEREMIAH 19:3

Hetana heta na tah aw: ‘Hy Zudâh beizy nata Zerusale khihsawzy saih u, Abeipa bie he thei teh u. Pheisaihzy Abeipa, Izarei Khazohpa ­ta hetana heta a tah: Pachâ teh u, he su liata chhiena rarôh ypa vaw patlôsa aw na ta, a theipa maihta ama nah a khai aw.

EZEKIA 5:9

Na pasichhihna zydua vâta, ei tao beih leipa hmo, a tao chhao ei tao heih khao lei awpa cha, na chô liata ei tao aw.

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

EZEKIA 7:2

“Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

NÂHU 1:9

Khazia Abeipa cha nama tei tly? Tlokhuh chhâna patlôsa aw ta, Ano a thyuhnao chaneipa chariahpa y aw veih ei.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

MATHAI 24:21

Cha daihti liata, riethei pasataona rarôh y ngaitapa y aw ta, cha hawhpa cha leilô pi daihti tawhta tahmâ taihta y beih leipa ta, khati ta hmahta y heih khao aw vei.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.