EZEKIA 7:27 - Mara Bible RV (BSI)

²⁷ Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

EZEKIA 7:27 ပူးပေါင်းရင်းမြစ်များ

1 ABEIZY 20:28

Khazohpa chyhsa ta Izarei bei cha a kei hnia ta, bie a chho ta, a hnohta, “Abeipa ta hetana heta a tah: ‘Aramia mo ta, “Abeipa cha tlâhzy khazoh châ ta, saikaozy khazoh châ vei,” tah ei ta, chavâta he zawpi hluh ngaitapazy he na ku liata cha pie aw na ta, kei he Abeipa cha ei châ tahpa nama pahno aw,’” tah ta.

ZAWBÂ 8:22

Châ haotuhpazy cha nozana ta tobipa châ aw ei ta, Moleipazy cha ama poh o y khao aw vei,” tah ta.

HLAZY 109:18

Chhiesana cha poh hawhta a bu ta, A chhiesapazy cha ti hawhta a chhôh lâ a ngia sala, Sathaw hawhta a rupazy liata a ngia mawh sy!

HLAZY 109:19

Chhiesanazy cha chysia hawhta a tobi sala, Chaisaih hawhta noh chareih a saih mawh sy!

HLAZY 109:29

Nâ leihtuhpazy cha nohzaona ta tobipa châ ei sala, Nozana poh a bu mawh ei sy!

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

EZEKIA 14:23

Ama hroziezy nata ama hmotaopazy nama hmôpa ta nama thlalôh aw ta, ei taopa zydua cha a chhâpa hnei leipa ta ei taopa y vei tahpa nama pahno aw, Abeipa Zehôvâh ta a tah.”

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

EZEKIA 8:1

Kô charuna, thla charuna, noh pangawhna noh liata, ei o liata ei tyu thlâh ha nota, Abeipa Zehôvâh ku cha ei chô liata vaw y ta. Zudâh machâzy chhao ei hmiakô liata a tyuh ei ta.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.