EZEKIA 7:26 - Mara Bible RV (BSI)

²⁶ Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

EZEKIA 7:26 ပူးပေါင်းရင်းမြစ်များ

HLAZY 74:9

Ngiana nata hmonoâhpazy hmô khao leipa pi ta, Hrohsopa rai y khao leipa ei ta; Khati taih ma he hawhta a sie aw tahpa a pahnopa chhao, Eima hry liata y veih ei.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 21:2

“Babylaw bei Nebukaneza ta miah â dyuh ha hih. Abeipa miah a saohiahpa teh. Hmo noâhpa a tao tyhpa Abeipa ta miah bao aw ta, Nebukaneza he a pakuasa thlah ha ngyu aw lah,” tahpa ta a pachhosa no ei ta Zeremiah hnohta Abeipa bie a vaw tlôpa a châ.

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

EZEKIA 11:2

Abeipa ta ei hnohta, “Chyhsa sawchapawpa y, kha chyhsazy kha hmo pha leipa tao a chhuahpazy châ ei ta, he khihpi châta ryhraona pha leipa a pietuhpazy ama châ.

EZEKIA 12:22

“Chyhsa sawchapawpa y, Izarei râh kyh liata he bieso nama hneipa, ‘Noh khih a vaw pasi nahta cha, aluahna to chhao hraoleipa ama châ heih tyh,’ nama tahpa he, a yzie khâpa ma a châ tly?

EZEKIA 14:1

Chatawhcha Izarei machâ thokhazy kei lâ a vypa ta, ei hmiakô liata a vaw tyuh ei ta.

EZEKIA 21:7

‘Khazia nâ hrô?’ ama cha tah khiahta cha, ‘Thâtih a vaw tlô haipa vâta a châ. Cha tita cha palôh to dua aw ta, ku zydua thazeipa ta a y aw. Hro to panao aw ta, pakhu zydua ti hawhta a nai aw. Moh teh, cha daihti cha vaw tlô hai ta, cha hmo cha patlôpa a châ aw, Abeipa Zehôvâh ta a tah,’ tahpa ta reih mah y,” tah ta.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

EZEKIA 8:1

Kô charuna, thla charuna, noh pangawhna noh liata, ei o liata ei tyu thlâh ha nota, Abeipa Zehôvâh ku cha ei chô liata vaw y ta. Zudâh machâzy chhao ei hmiakô liata a tyuh ei ta.

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

THEIHTHAINA 26:21

“Ei kho leinazie ta ypa ta, ei bie nama nathlie vei khiahta cha, nama moleinazy hawh lymâ ta potlana a lie sari ta nama chô liata ei patlôsa aw.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

MIKÂ 3:6

Chavâta zâ cha vaw chhi thlu aw ei ta, Aluahna hmô khao aw veih ei chi; Zohna ta cha vaw khu aw ei ta, Pachaona tao thei khao aw veih ei chi. Hrohsopazy chô liata noh tla aw ta, Nohchhô chhao ama chô liata zohna a châ aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

RYHPACHANEINA 32:23

“‘Ama chô liata raona pacho thlu aw ei na ta, Ei châtaizy ei hmâ thlu aw ei.

1 SAMUELA 3:1

Hawtipa Samuela cha Eli hmiakô liata Abeipa chakao lymâ ta. Cha daihtizy liata cha, Abeipa bie sôh kaw ta, aluahna chhao y tu leipa ta.