EZEKIA 7:2 - Mara Bible RV (BSI)

² “Hy chyhsa sawchapawpa y, Abeipa Zehôvâh ta Izarei râh hnohta hetana heta a tah: Chhâna! Râh ki palihzy liata chhâna a vaw tlô hai.

EZEKIA 7:2 ပူးပေါင်းရင်းမြစ်များ

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

2 THÂTIHZYRONA 34:7

Maisâhzy parao ta, Aseri tôhzy nata khazoh nothlahpazy cha a paoh ta phy pazao ta, chazy hlâta â sâh viapa ta taopa, Izarei râh zydua liata ropahâhpa raona maisâhzy a chhawh pathlah khai haw. Cha khai tawhta Zerusale lâ a lie ta.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ZEREMIAH 12:4

Râh he khachâ ma mâchhiesa aw ta, Khachâ ma râh to liata sibiepazy ama uah aw tly? A chhôh liata a pahrâpazy ta Hmo pha leipa tao ei ta, “Khazohpa ta eima chhâna hmô aw vei,” Ama tahpa vâta, Râhsazy nata pavawzy ama thi khai ha hih.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 51:13

Hy nâ, ti hluhpi kiah liata pahrâ chi ta, Ryusôhpazy a hnei hluhpa y, Na chhâna vaw tlô ha ta, Na hrona ri a chie haw.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

EZEKIA 11:13

Hrohsona bie ei phuah hai nota, Benai sawchapawpa Pelatiah cha thi ha ta. Â khu lâta paopa ta, ao paro ngaitapa ta awh na ta, “Âh, Abeipa Zehôvah! Izarei laibâhpa cha na pamua dâhdei aw ma?” tah na ta.

EZEKIA 12:22

“Chyhsa sawchapawpa y, Izarei râh kyh liata he bieso nama hneipa, ‘Noh khih a vaw pasi nahta cha, aluahna to chhao hraoleipa ama châ heih tyh,’ nama tahpa he, a yzie khâpa ma a châ tly?

EZEKIA 21:2

“Chyhsa sawchapawpa y, Zerusale lâ hmiachhypa ta, supathaihpazy hnohta bie chho la, Izarei râh chô liata hrohsona bie phuah mah y.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

EZEKIA 21:4

Mosiapa chhao moleipa chhao nâma tawhta ei chhawh pathlah khai ha awpa vâ ei ta, ei zaozi a paih tawhta phia aw na ta, chho lâ tawhta maw lâ taihta chyhsa zydua ei chhawh pathlah khai aw ei.

EZEKIA 21:7

‘Khazia nâ hrô?’ ama cha tah khiahta cha, ‘Thâtih a vaw tlô haipa vâta a châ. Cha tita cha palôh to dua aw ta, ku zydua thazeipa ta a y aw. Hro to panao aw ta, pakhu zydua ti hawhta a nai aw. Moh teh, cha daihti cha vaw tlô hai ta, cha hmo cha patlôpa a châ aw, Abeipa Zehôvâh ta a tah,’ tahpa ta reih mah y,” tah ta.

EZEKIA 35:5

“Izarei khâ a khakhai chi ta, Izarei sawzy cha ama chhiena nata âmo hriena chhâna daihti liata, zaozi hmotaotheina liata na hlâ ha ei.

EZEKIA 40:2

Khazohpa aluahna ta Izarei râh lâ nâ chhipa ta, tlâh sâh ngaitapa liata na soh ta, tlâhpi chho lâta khihpi a lyupa ozy y ta.

EZEKIA 7:1

Abeipa bie ei hnohta vaw tlô heih ta:

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

MATHAI 24:6

Adyuhnazy nata adyuhna bie pathâhpazy nama thei aw. Châhrasala thlazohpa ta y khah u. Cha zydua cha a vaw y awpa châ ta, chhâna deikua châ mâh aw vei.

RYHPACHANEINA 32:20

Chavâta Abeipa ta, ‘Ei hmia nyusai aw ei na ta, Ama chhâna ei moh tua aw. Chhâ moleipa châ ei ta, Ngâchhih leipa sawzy ama châ.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

BIEPHUAH 20:8

alei ki palih liata phopizy dôvei awpa ta pua aw ta, Kawkâ nata Makawkâ zy cha adyuhna châta a awpakhy aw. Ama maluh hluhzie cha tilaipi liata sadi hawhta a châ.

BIEPHUAH 7:1

Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.