EZEKIA 7:19 - Mara Bible RV (BSI)

¹⁹ Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

EZEKIA 7:19 ပူးပေါင်းရင်းမြစ်များ

2 ABEIZY 7:15

Zawdâh taih a kei chadai ei ta, amâ para tupa vâta Aramia mo thypa chysiazy nata chhaichhizy lâpi tlykha ta y lymâ ta. Lyuhchâpazy cha vaw kua ei ta, abei cha chho ei ta.

BIESOZY 10:2

Moleina ta sôh hmôpa cha athôhna y leipa ta, Siana deikua cha thina tawhta a pachha tyh.

BIESOZY 11:4

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

BIECHHOTUHPA 5:10

Tâkâ a tlaichhaipa cha tâkâ liata a lôhrâ patlô beih leipa aw ta, hneirôna a tlaichhaipa chhao a sôh hmôpa ta a lôhrâ patlô beih aw vei. Cha chhao cha hraoleipa deita a châ.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

EZEKIA 13:5

Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

EZEKIA 14:7

Izarei pathla tlyma, Izarei râh liata chihropa a pahrâpa tlyma, kei tawhta a pananopa ta, a khazoh nothlahpazy a palôh liata soh ta, a paraona ahluana lô a hmia liata sona chôta, kei nâ saohiah awpa ta hrohsopa lâ a pangaipa maih cha, kei Abeipa tlai heta ei chhy aw.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

EZEKIA 44:12

Ama khazoh nothlahpazy hmiakô liata chakao ei ta, Izarei pathlazy châta moleina liata ahluana lô ama châ tyhpa vâta, ku chaluahpa ta bie ei taih haw. Ama moleina maoh ama phaoh tlai aw, Abeipa Zehôvâh ta a tah.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

RAWMA 11:9

Dâvi chhao ta, “Ama tlâhkhai cha, Ama châta khoheih nata aphyh châ sala, Achapiana nata viarithôna châ mawh sy.