EZEKIA 7:16 - Mara Bible RV (BSI)

¹⁶ Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

EZEKIA 7:16 ပူးပေါင်းရင်းမြစ်များ

EZRÂ 9:15

Hy Abeipa, Izarei Khazohpa y, nâ cha adopa châ chi ta, tanoh ta hmo a ypa hawhna heta, keimo cha laibâhpa a râpazy eima châ. Moh tua, eima thaileichâna chhaota na hmiakô liata eima y hih. Eima thaileichâna vâta, na hmiakô liata a duah thei awpa pakha hmah y ma pi,” tah na ta.

HLAZY 55:2

Na nathlie la, nâ chhy mah y; Ei palôh a tymâ ta ei pachâ a rôh ngaita,

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 37:31

Zudâh pathla laibâhpazy cha a ry lâ thari thla aw ei ta, a chô lâta thei ama pathei heih aw.

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ISAI 59:12

Eima paraonazy na hmiakô liata pôh via rili ta, Eima moleinazy ta miah ama leih tyh. Eima paraonazy eima hnohta khâ y ei ta, Eima moleinazy eima pahno.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 44:14

Cha hriena cha, Izi râh liata pahrâ awpa ta a vaw siepa Zudâh laibâhpa ahy hmahta khôkhâh leipa aw ei ta, hriena tawhta a boh hra leipa aw ei ta, kua heih ta pahrâ heih awpa ama kho kawna Zudâh râh lâ chhao, ahy hmahta kua heih thei aw veih ei. Arulâta a râpazy tah leipa ta cha, ahy hmahta kua heih khao aw veih ei.”

ZEREMIAH 44:28

Zaozi a khôkhâhpa chyhsa chyhta cha, Izi râh tawhta Zudâh râh lâ a lie aw ei ta, chatanachata Izi râh liata pahrâ awpa ta a siepa Zudâh laibâhpazy ta ahy bie ma a duah aw, keima bie ma, âmo bie ma tahpa ama pahno aw.

ZEREMIAH 9:19

Zaio tawhta hetana heta chana pyu a vaw pua: ‘Eima rao khai ha na! Eima nozazie rimâ cha! Eima ozy rao khai ha tlôh ta, Eima râh eima puasai awpa a byuh ha hih!’”

EZEKIA 14:22

Chatahrasala pachâ teh u, sawchapaw nata sawchanô laibâhpa thokhazy cha khihpi chhôh liata pahlôhpa châ aw ei ta, khihpi tawhta a chhi papuapa ama châ aw. Nâmo lâ ama vaw pua tita, ama hroziezy nata ama hmotaopazy hmô aw ei chi ta, Zerusale chô liata chhiena ei patlôsapa kyh liata thlahpalôhpa châ aw ei chi ta, khihpi chô liata ei patlôsapa zydua kyh liata thlahpalôhpa nama châ aw.

EZEKIA 34:6

Tlâhpi to liata viavi ei ta, tlâh sâhpa to liata ama viavi. Ei mietakuzy cha alei chô zydua liata paipatlapa ta y ei ta, a tluatuhpa nata a pachâtuhpa rai y veih ei.

EZEKIA 36:31

Nama hrozie moleipazy nata nama hmotao pha leipazy a kaw thei aw ei chi ta, nama paraona nata pasichhihnazy vâta nâmosasyh ta namâ pasi kaw aw.

NÂHU 2:7

Abeinô hmô ei ta, Ama siekhei haw; A seichanôzy chaphôhtu ei ta, Ama chachôhna a chôpa ta, Vachhuh hawhta amâ hrô.

ZEPHANIA 1:14

Abeipa noh rônahpa cha â hnia haw, A hnia ha ta, a vaw tlô daihmâ. Abeipa noh pyu rarôh yzie awpa cha, Pasaipha hmahta thata a sâh aw.