EZEKIA 7:14 - Mara Bible RV (BSI)

¹⁴ “Chiahmie tô ei ta, ato a mâ chiehpa ta a y. Châhrasala ei hiehâhna cha ama zawpi zydua chô liata a ypa vâta, ahy hmahta adyuhna lâ sie veih ei.

EZEKIA 7:14 ပူးပေါင်းရင်းမြစ်များ

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 4:5

Zudâh râh liata chhopa ta, Zerusale liata phuah u la, Hetana heta tah teh u: “Râh chhôh zydua liata chiahmie tôpa ta, A paro ngaitapa ta awh u la, ‘A vaw hmaoh u la, Thokhy ta dôhpa khihpizy liata a ngia suh u,’ tah teh u.

ZEREMIAH 51:27

“Râh liata ngiana poh chaluah u la, Phopizy hry liata chiahmie tô teh u; Ano a dyuh awpa ta khinarâhzy aw u la, Ararâ, Mini nata Askenâ râhzy aw teh u; Ano a dyuh awpa ta pheisaih hyutuhpa rao u la, Khawsu pôpi hawhta hluhpa ta arâzy a chhi teh u.

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.