EZEKIA 7:13 - Mara Bible RV (BSI)

¹³ A zuahtuhpa nata a chaleituhpa ama pano ta ama hro chhôh zydua cha, a zuahtuhpa ta a râh a zua hapa cha hnei heih khao aw vei. Aluahna cha ama zawpi zydua châta châ ta, phiepa châ aw vei. A moleina vâta, chyhsa ahy hmahta a hrona pabohsa thei aw vei.

EZEKIA 7:13 ပူးပေါင်းရင်းမြစ်များ

ESTHERI 8:8

Zuzy kyh liata, pha nama tahnazie hawhta abei moh ta roh u la, abei kusadi ta chahnao pa-i muh vy. Abei moh ta biepapuapa ropa nata abei kusadi ta chahnao pa-i hapa cha panano theipa châ khao vei,” tah ta.

ZAWBÂ 15:25

Khazohpa chô liata a ku hy ta, Atotaotheipa hmia liata thatlô kawpa hawhta â hmô ta,

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

BIECHHOTUHPA 8:8

Ahy hmahta husona patu theina hmotaotheina hnei leipa ei ta, thina noh chô liata bie a hnei theipa y hra veih ei. Adyuhna a y ngâ nota cha, ahy hmahta a pheisaih rai pahâsa thaipa a châ leipa hawhta, moleina ta moleina a taotuhpazy cha papua aw vei.

EZEKIA 12:25

Kei he Abeipa châ na ta, ei bie rei awpa cha reih aw na ta, taopa a châ aw. Hy saw chhorupazy saih u, hawh khao leipa aw na ta, nama hro chhôh tlai ta bie reih aw na ta, ei tao aw, Abeipa Zehôvâh ta a tah,” tah ta.

EZEKIA 12:28

Chavâta âmo hnohta reih la, ‘Abeipa Zehôvâh ta hetana heta a tah: Ei bie kheihawhpa hmah pahawhsapa châ leipa aw ta, ei bie reipa cha taopa a châ aw, Abeipa Zehôvâh ta a tah,’ tah mah y,” tah ta.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

THEIHTHAINA 25:13

“Cha zubili kô liata chyhsa to âmo râh chyu ama hnei heih aw.

THEIHTHAINA 25:31

Thokhy a hnei leipa khitawzy liata ozy deikua cha, râh liata lyu hawhta pachâpa châ aw ta, chatlai theipa a châ aw. Zubili liata chhao a pua thei aw.