EZEKIA 6:7 - Mara Bible RV (BSI)

⁷ Ama thiepazy nama hry liata pao aw ei ta, Abeipa ei châ tahpa nama pahno aw.

EZEKIA 6:7 ပူးပေါင်းရင်းမြစ်များ

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

PUASAINA 14:18

Phiraoh nata a talailihzy nata arâ a kiahpazy hmâpa ta palyupalihna ei hlao tita, Izi mo ta kei he Abeipa ei châ tahpa ama pahno aw,” tah ta.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 25:33

“Cha noh liata Abeipa ta a thiepa chyhsazy cha, alei chhâna hiakha lâ tawhta alei chhâna hiakha lâ taihta amâ zawh aw. Mâchhiesapa leipa aw ei ta, ama ri lapa châ leipa aw ta, pabupa châ hra aw veih ei. Alei chô liata ie hawhta ama châ aw.

CHAPHÔHTUNA 4:9

Lyu kôvei y leipa vâta, Nodi thachhâpa ta y ta; Nodipa ta thipa hlâta la, Zaozi ta thipa a pha via.

EZEKIA 11:10

Zaozi ta nama pao aw. Izarei râhri liata nama thâtih pachia aw na ta, Abeipa ei châ tahpa nama pahno aw.

EZEKIA 11:12

Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

EZEKIA 12:15

Phopizy hry liata papaipa ta, râhzy liata ei hiepatla ti ei ta, Abeipa ei châ tahpa ama pahno aw.

EZEKIA 12:19

Chatawhcha râhsawzy hnohta, ‘Abeipa Zehôvâh ta Izarei râh Zerusale khihsawzy kyh liata hetana heta a tah: Zerusale liata a pahrâpazy nôchhiena vâta, Izarei râh cha a chhôh liata hmo a ypa zydua tawhta roryhrapa ta paysapa châ aw ta, nôpopa ta ama pati nie aw ei ta, pachârôhpa ta ama ti ama doh aw.

EZEKIA 13:14

Chatanachata hlyu râhpa nama hniapa thokhy cha pacho aw na ta, a lei taihta cho aw ta, â bôna chhao taih â lâ khai aw. Thokhy a cho tita, nâmo chhao khihpi chhôh liata pahleipadiapa châ aw ei chi ta, Abeipa ei châ tahpa nama pahno aw.

EZEKIA 13:21

Ei phopi luh nama khunazy hrie aw na ta, ei phopi cha nama ku tawhta pachha aw ei na ta, patupa hawhta nama ku liata y khao aw veih ei. Chatanachata Abeipa ei châ tahpa nama pahno aw.

EZEKIA 13:23

aluahna phichhyhpazy hmô khao leipa aw ei chi ta, pachaopadâhpa chhao tao khao aw veih ei chi. Nama ku tawhta ei phopi pachha aw ei na ta, Abeipa ei châ tahpa nama pahno aw.”

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

EZEKIA 14:8

Cha chyhsa cha a heihnao aw na ta, ngiana nata pakhona bie ta tao aw na ta, ei phopi tawhta ei chhawh pathlah ha aw. Chatanachata Abeipa ei châ tahpa nama pahno aw.

EZEKIA 15:7

Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

EZEKIA 20:26

ama sawchapaw uhtheipazy atheihna ta pahlâsapa ta papuapalei ei na ta, roryhrapa ta ei paysa ei. Abeipa ei châ tahpa ama pahno thei nawpa ta, cha hmozy cha ei tao.

EZEKIA 20:38

Chhorupazy nama hry tawhta pasipathai aw ei na ta, ei chô liata hmo a paraotuhpazy chhao ei pasipathai ha aw ei. Ama y chyna râh tawhta a chhi aw ei na ta, châhrasala Izarei râh a ngia aw veih ei. Chatanachata Abeipa ei châ tahpa nama pahno aw.

EZEKIA 20:42

Châ pathlatuhpazy hnohta pie awpa ta ku chaluahpa ta bie ei taihpa râh, Izarei râh lâ ei châ chhi ti ei ta cha, Abeipa ei châ tahpa nama pahno aw.

EZEKIA 20:44

Nama hrozie chhiepazy hawhta châ leipa ta, moleina hmo nama taopazy hawhta châ hra leipa ta, ei moh vâta nama chô liata hmo ei tao tita cha, Hy Izarei pathlazy saih u, Abeipa ei châ tahpa nama pahno aw, Abeipa Zehôvâh ta a tah.”

EZEKIA 22:16

Na hmotaopa cheingei ta phopizy mohmô liata cha papuapalei aw ta, chatanachata Abeipa ei châ tahpa na pahno aw, tah mah y,” tah ta.

EZEKIA 23:49

Nama aohraohna cha nama chô liata cha vaw palie thlusa aw ei ta, khazoh nothlahpa namâ chhyna nama moleina ty nama phaoh aw. Chatanachata kei he Abeipa Zehôvâh ei châ tahpa nama pahno aw,” tah ta.

EZEKIA 24:24

Cha hawhna chata Ezekia cha nama châta ngiana châ aw ta, a taozie lymâ hawhta nama tao awpa a châ. Cha hmo cha a vaw tlô tita, Abeipa Zehôvâh ei châ tahpa nama pahno aw,’ tahpa ta reih mah y, a tah,” tah na ta.

EZEKIA 24:27

Cha noh liata, a râpa hnohna chata na pakah â aw chi ta, a hnohta bie reih aw chi ta, a chalih thlâh ha khao aw va chi. Chatanachata âmo châta ngiana châ aw chi ta, Abeipa ei châ tahpa ama pahno aw,” tah ta.

EZEKIA 25:17

Hiehâh ngaitapa ta chhoreipa ta ama chô liata phuh ei la aw. Cha hawhta ama chô liata phuh ei la tita, Abeipa ei châ tahpa ama pahno aw,” tah ta.

EZEKIA 26:6

râh chhôh liata a khichapeihzy chhao zaozi ta paraopa ama châ aw. Chatanachata Abeipa ei châ tahpa ama pahno aw.

EZEKIA 28:23

A chhôh liata potlana patlôsa aw na ta, A khiliahzy liata thisaih lona ei patlôsa aw; Thiepazy a chhôh liata pao aw ei ta, Kaokih tawhta zaozi ta ama pao aw; Chatanachata Abeipa ei châ tahpa ama pahno aw.

EZEKIA 30:26

Izi mo cha phopizy hry liata hiepatla aw ei na ta, râh to liata ei papai aw ei. Chatanachata Abeipa ei châ tahpa ama pahno aw.”

EZEKIA 32:15

Izi râh cha roryhrapa ta tao aw na ta, A hneirôna zydua parua khaipa ta, A chhôh liata a pahrâpa zydua ei tusao khai ti ei ta, Kei he Abeipa ei châ tahpa ama pahno aw.

EZEKIA 35:15

Izarei pathlazy ryuto roryhrapa ta a ypa nâ lypa hawhna khata, na chô liata ei tao aw. Hy Seirâ Tlâh, roryhrapa ta na y aw. Edômâ cha tlokhuh roryhrapa ta a y aw. Chatanachata Abeipa ei châ tahpa ama pahno aw.”

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

EZEKIA 6:6

Nama pahrâna su zydua liata, khihpizy rao khai aw ta, su sâhpazy roryhrapa ta a y aw. Chatanachata nama maisâhzy cha paraopa châ aw ta, roryhrapa ta a y aw. Nama khazoh nothlahpazy pakeipa châ aw ta, pahleipadiapa a châ aw. Nama ropahâhpa raona maisâhzy chhawh pachhôpa châ aw ta, nama hmotaopazy pahleipadia khaipa a châ aw.

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

EZEKIA 7:4

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopa zydua vâta, viari ei cha thô aw. Chatanachata Abeipa ei châ tahpa nama pahno aw.

EZEKIA 7:9

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopazy vâta, viari ei cha thô aw. Chatanachata kei cha a hrie theipa Abeipa ei châ tahpa nama pahno aw.

EZEKIA 9:7

Abeipa ta ama hnohta, “Achhyna o kha papuapalei u la, a dôhpachhôh tlyhmiazy kha athihpa ri ta pabie ha muh vy. Thie awpa ta pua teh u,” tah ta. Chatanachata pua ei ta, khihpi chhôh liana cha thie lymâ ei ta.