EZEKIA 6:5 - Mara Bible RV (BSI)

⁵ Izarei pathlazy ri cha ama khazoh nothlahpazy hmiakô liata pazia aw ei na ta, nama rupazy cha nama maisâhzy chheipâh liata ei hiezâh aw.

EZEKIA 6:5 ပူးပေါင်းရင်းမြစ်များ

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

2 ABEIZY 23:16

Chatawhcha Zôsia cha a kaw heih ta, tlâh liata thlâzy hmô ta. Thlâ liata ruzy cha kei palasa ta, nothlahpa achhyna maisâh a papuapalei thei nawpa ta maisâh liata rao ta. Chazy cha Khazohpa chyhsa ta vaw chhochhielie ta a phuah khai hapa Abeipa bie hawhta a vaw tlôpa a châ.

HLAZY 53:5

China rai y leina liata, Chi ngaitapa ta y ei ta; Adyuhna riehmo châ paryh thlupa ruzy cha, Khazohpa ta a hiepatla khai haw; Khazohpa ta âmo cha a thy hapa vâta, Maophyuhpa ta na soh ha ei.

ZEREMIAH 7:32

“Chavâta a hrohrua teh u, nohzy a vaw tlô hai. Saikao cha Tôphe tahpa châ khao leipa aw ta, Hinô Sawchapawpa Saikao tahpa châ khao hra leipa aw ta, Thiena Saikao tahpa a châ aw. Pabu nawpa su hropa y khao leina taihta, Tôphe liana cha athihpazy pabupa a châ aw.

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.