EZEKIA 6:4 - Mara Bible RV (BSI)

⁴ Nama maisâhzy roryhrapa ta y aw ta, ropahâhpa nama raona maisâhzy pakeipa châ aw ta, nama khazoh nothlahpazy hmiakô liata nama athihpa rizy ei thy aw.

EZEKIA 6:4 ပူးပေါင်းရင်းမြစ်များ

1 ABEIZY 13:2

Khazohpa chyhsa chata Abeipa bie ta maisâh cha awsao ta, “Hy maisâh, maisâh, Abeipa ta hetana heta a tah: ‘Nathlie teh, Dâvi pathlazy hry liata sawchapawpa, a moh Zôsia vaw pih aw ta, na chô liata atheihna a hlâ tyhpa su sâhpa theihthaipazy kha thie aw ta, âmo cha na chô liata vaw hlâ aw ta, chyhsapa rureihzy na chô liata raopa a châ aw,’” tah ta.

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

2 THÂTIHZYRONA 14:5

Zudâh khihpi zydua liata su sâhpazy nata ropahâhpa raona maisâhzy pahlei khai ta. Ano â bei chhôh cha khinarâh chhao kô hrawh chhôh tlai thlalôhpa ta a y.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ZEREMIAH 43:13

Izi râh liata Heliôpôli panana tôhzy thlie aw ta, Izi khazohzy achhyna ozy chhao mei ta a rao khai ha aw,’” tah ta.

ZEREMIAH 7:32

“Chavâta a hrohrua teh u, nohzy a vaw tlô hai. Saikao cha Tôphe tahpa châ khao leipa aw ta, Hinô Sawchapawpa Saikao tahpa châ khao hra leipa aw ta, Thiena Saikao tahpa a châ aw. Pabu nawpa su hropa y khao leina taihta, Tôphe liana cha athihpazy pabupa a châ aw.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

1 SAMUELA 5:4

A mylâ heihpa mydi kari ta ama thyu nahta, Dakao cha Abeipa Byh hmiakô liata â khu lâta vaw pao thlâh ha heih ta. Dakao luh nata a kupazah miano â tai pachhôpazy cha chhikao thaby liata a vaw thy thlâh ha ta, Dakao cha a pôhpa deita ta vaw y ta.