EZEKIA 6:3 - Mara Bible RV (BSI)

³ Ama hnoh ta, ‘Nâmo, Izarei tlâhpizy saih u, Abeipa Zehôvâh bie he nathlie teh u! Abeipa Zehôvâh ta tlâhpizy nata tlâhthlôhzy, chavah kaozy nata saikaozy hnohta hetana heta a tah: Nathlie teh u, kei, keima tlai ta nama chô liata zaozi vaw patlôsa aw na ta, nama su sâhpazy ei parao khai aw.

EZEKIA 6:3 ပူးပေါင်းရင်းမြစ်များ

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 30:25

Riahvaina o sâhpazy pao ha ta, thata athietuna noh liata, tlâh sâhpa to nata tlâh byuhpa to liata vahtiezy ama loh zaolao aw.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 22:29

Hy râh, râh, râh y, Abeipa bie he thei teh!

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

EZEKIA 36:8

“Nâmo deikua cha, Hy Izarei tlâhpizy saih u, ei phopi Izarei sawzy amâ vaw di patoh bâ awpa vâta, nama chhyhzy thaopa ta, nama chiahzy pachiah aw ei chi ta, ei phopi Izarei châta thei nama pathei aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

MIKÂ 6:1

Abeipa biereipa he thei teh u: Thyu la, tlâhpizy hmiakô liata na bie a duakhei la, Tlâhthlôhzy ta na ao thei mawh ei sy.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.