EZEKIA 6:14 - Mara Bible RV (BSI)

¹⁴ Ama chô liata ei ku pazawh aw na ta, ama pahrâna su zydua, râhchawhpa tawhta Riblâ taihta, râh cha roryhrapa nata arypa ta ei tao aw. Chatanachata kei he Abeipa ei châ tahpa ama pahno aw.”

EZEKIA 6:14 ပူးပေါင်းရင်းမြစ်များ

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 24:1

Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 24:7

Kresawhti thiehpa cha mâchhiesapa ta y ta, Kre zôh uah ta, Palôh a ly thei kaw tyhpazy chhao amâ hrô.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 25:11

“He râh zydua he râh rypa nata roryhrapa vaw châ aw ta, he phopizy heta Babylaw bei cha kô sysari ama chakao aw.

ZEREMIAH 48:22

Dibô, Nebô, Bedibalâthai,

EZEKIA 12:15

Phopizy hry liata papaipa ta, râhzy liata ei hiepatla ti ei ta, Abeipa ei châ tahpa ama pahno aw.

EZEKIA 14:13

“Chyhsa sawchapawpa y, râh cha ngâchhih leipa ta ypa ta ei chô liata hmo a paraopa vâta, a chô liata ei ku hy aw na ta, niedo lana hnawh chhiepa ta, râh liata chakâhna patlôsa aw na ta, chyhsapa nata sazy râh tawhta ei chhawh pathlah khai ha tita cha,

EZEKIA 15:8

Ama ngâchhih leina vâta, râh cha roryhrapa ta ei tao aw, Abeipa Zehôvâh ta a tah.”

EZEKIA 16:27

Chavâta pachâ teh, na chô liata ei ku hypa ta, na tovyuh pachyh na ta, na chariahpazy khohlei khona lâ ei cha hlâ haw. Na sihryhna hro a zakhei kaw tyhpa Philistinâ sawchanôzy ku lia tlai ta ei cha hlâ haw.

EZEKIA 25:7

pachâ teh, na chô liata ei ku hy na ta, phopizy hnohta hraona sôh ta ei cha hlâ aw. Phopizy tawhta cha chhawh pathlah aw na ta, râh to tawhta ei cha pahleipadia aw. Cha parao aw na ta, chatanachata Abeipa ei châ tahpa na pahno aw.”

EZEKIA 33:28

Râh cha roryhrapa nata a rypa ta tao aw na ta, â palaikhei kawpa a thatlôna chhao ei pachhâsa ha aw. Izarei tlâhpizy cha roryhrapa ta ama y awpa vâta, ahy hmahta chapia khao aw veih ei.

EZEKIA 35:9

Roryhrapa ta y kôzaw awpa ta cha tao aw na ta, na khihpizy liata chyhsa pahrâ khao aw veih ei. Chatanachata kei he Abeipa ei châ tahpa nama pahno aw.

EZEKIA 7:1

Abeipa bie ei hnohta vaw tlô heih ta:

EZEKIA 7:4

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopa zydua vâta, viari ei cha thô aw. Chatanachata Abeipa ei châ tahpa nama pahno aw.

ZEPHANIA 1:4

“Zudâh chô liata ei ku hy aw na ta, Zerusale khihsawzy chô liata ei ku ei hy aw. Bâlâ laibâhpazy cha, He su tawhta chhawh pathlah aw ei na ta, Nothlahpa theihthaipa mohzy chhao, A theihthaipazy chhaota ei chhawh pathlah khai aw ei.

MALUHREINA 33:46

Dibôkadâ tawhta pua ei ta, Almawdibalâthai liata riehmo ama paryh.