EZEKIA 5:8 - Mara Bible RV (BSI)

⁸ Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

EZEKIA 5:8 ပူးပေါင်းရင်းမြစ်များ

ZEREMIAH 21:13

“Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

ZEREMIAH 21:5

Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

CHAPHÔHTUNA 3:3

Ei chô liata a ku hy ta, Noh y ta a hy chanei ngâ thlâh haw.

EZEKIA 11:9

Khihpi tawhta cha papuapa ta, chihropazy ku liata cha hlâ aw ei na ta, nama thâtih ei pachia aw.

EZEKIA 13:8

Chavâta Abeipa Zehôvâh ta hetana heta a tah: “Biedoleipa reih ei chi ta, aluahna phichhyhpa nama hmôpa vâta, moh teh u, ei châ dyuh ei, Abeipa Zehôvâh ta a tah.

EZEKIA 15:7

Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

EZEKIA 16:41

Na ozy mei ta rao aw ei ta, chanô hluhpi mohmô liata na thâtih ama pachia aw. Â zuah khao lei awpa ta cha tao aw na ta, nâ zuahnaopazy hnohta hlao pie khao aw va chi.

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 28:22

‘Abeipa Zehôvâh ta hetana heta a tah,’ tah mah y: “Hy Sidaw, ei châ dyuh na, Ei rônahna nâ liata ei palâsa aw. Ano cha pachia aw na ta, Ei pathaihna a chô liata ei palâsa tita, Abeipa ei châ tahpa ama pahno aw.

EZEKIA 30:19

Cha hawhna chata Izi cha pachia aw na ta, Kei he Abeipa ei châ tahpa ama pahno aw.’”

EZEKIA 34:10

Abeipa Zehôvâh ta hetana heta a tah: Pachâ teh, mietaku vaituhpazy ei dyuh ei. Ei mietakuzy leidiana kyh liata âmo ku liata maophaohna soh aw na ta, mietakuzy ama mohôhna chhao ei pachhâsa aw. Chatanachata mietaku vaituhpazy cha âmosasyh a pasa khao aw veih ei. Mietakuzy cha ama pakah tawhta pachha aw ei na ta, âmo nie awpa châ khao aw veih ei.

EZEKIA 35:3

hetana heta chho teh, Abeipa Zehôvâh ta hetana heta a tah: Hy Seirâ Tlâh, moh teh, ei châ dyuh hih. Na chô liata ei ku hy aw na ta, roryhrapa nata a rypa ta ei cha tao aw.

EZEKIA 39:1

“Chavâta, nâ, chyhsa sawchapawpa y, Kawkâ kyh liata hrohsona bie phuah la, a hnohta hetana heta reih teh. Abeipa Zehôvâh ta hetana heta a tah: Moh teh, Hy Kawkâ, Mese nata Tubâ bei lai chaipa y, ei châ dyuh.

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

NÂHU 2:13

“Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.