EZEKIA 5:17 - Mara Bible RV (BSI)

¹⁷ Nama chô liata chakâhna nata sahrâhpazy vaw tuah aw na ta, nama sawzy mâchhiesapa ta ama cha tao aw. Potlana nata thisaih ta cha siepahlie aw ei ta, nama chô liata zaozi ei vaw patlôsa aw. Kei, Abeipa ta ei reih haw,” tah ta.

EZEKIA 5:17 ပူးပေါင်းရင်းမြစ်များ

2 ABEIZY 17:25

Cha liata ama y tua nota, Abeipa chi leipa ei ta, chavâta Abeipa ta ama hry liata chakeibarôhneipazy vaw tuah ta, chyhsa thokha a siesao haw.

PUASAINA 23:29

Kô kha chhôh ta âmo cha na hmiakô tawhta papua khai aw veih ei na, chataleipatala râh cha roryhrapa ta y aw ta, râhsazy na châta a vaw hluh tu pathlei aw.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

EZEKIA 14:15

“Sahrâhpazy râh chahryhsapa ta, râh cha paraopa ta roryhrapa ta paysa ha ei sala, sahrâhpazy vâta râh cha ahy hmah chahryh ngâh lei awpa ta ei tao khiahta cha,

EZEKIA 14:19

“Râh liata potlana patlôsapa ta, chyhsapa nata sazy râh tawhta chhawh pathlah khai awpa ta, ei pathiiana thisaih râh chô liata ei leih thlu khiahta cha,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 17:21

A pheisaih pha chaipa zydua zaozi ta pao aw ei ta, a laibâhpazy cha thlih pathlina lâ maihta amâ râpai aw. Chatanachata kei, Abeipa ta ei reih haw tahpa nama pahno aw.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 21:32

Mei liata tipa châ aw chi ta, alei liata na thisaih loh aw ta, a thei thlâh hapa châ khao aw va chi, kei Abeipa ta ei reih haw,’ tah mah y,” tah ta.

EZEKIA 22:14

Na chô liata hmo ei taona nohzy liata, na riahphana pachyu theipa ta, ku thatlôpa ta na y thei aw ma? Kei Abeipa ta reih ha na ta, ei tao aw.

EZEKIA 23:47

Zawpi ta alô ta vawh aw ei ta, ama zaozi ta ama chhawhsao aw. Ama sawchapawzy nata ama sawchanôzy thie aw ei ta, ama ozy mei ta ama rao aw.

EZEKIA 26:14

Lôpanô ruapa hawhta cha tao aw na ta, sao zawna châ deita na châ aw. Paduapathipa châ khao aw va chi, kei Abeipa ta ei reih haw, Abeipa Zehôvâh ta a tah.

EZEKIA 28:23

A chhôh liata potlana patlôsa aw na ta, A khiliahzy liata thisaih lona ei patlôsa aw; Thiepazy a chhôh liata pao aw ei ta, Kaokih tawhta zaozi ta ama pao aw; Chatanachata Abeipa ei châ tahpa ama pahno aw.

EZEKIA 30:12

Nile chavah pakua aw na ta, Râh chhao moleipazy hnohta ei zuah aw; Chihropazy ku hmâpa ta, Râh nata a chhôh liata a ypa zydua chô liata Roryhrana ei patlôsa aw; Kei Abeipa ta ei reih haw.’

EZEKIA 33:27

Ama hnohta reih teh, Abeipa Zehôvâh ta hetana heta a tah: Ei hrona reipa ta ei reih. Su rypa liata a ypazy cha zaozi ta pao tlai aw ei ta, lyurâhpa liata a ypazy cha sahrâhpazy hnohta ama nie awpa ta pie aw na ta, thokhy nata lôpu chhôh liata a ypazy cha potlana ta ama thi aw.

EZEKIA 37:14

Nama chhôh liata ei Thlahpa soh aw na ta, hroh aw ei chi ta, nama râh lia tlai ta ei cha pahrâsa aw ei. Chatanachata kei Abeipa heta reih ha na ta, ei tao tlai aw tahpa nama pahno aw,” Abeipa ta a tah.

EZEKIA 38:22

Potlana nata thisaih palopa ta ano cha pachia aw na ta, ano nata a pheisaihzy nata a hnohta a ypa phopi hluhpi chô liata vâkatlâ pasuasa aw na ta, pareih lai ngaitapazy patlasapa ta, mei nata kaihzy ei pasuasa aw.

EZEKIA 5:15

Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

EZEKIA 5:16

Chakâhna nata raona châtai chichhih ngaitapazy ta ei cha ka ti ei ta, cha pahleipadia awpa ta cha ka aw ei na ta, nama chô liata chakâhna patlôsa via rili aw na ta, nama niedo hmôna hnawh ei chhie ha aw.

EZEKIA 6:1

Abeipa bie ei hnohta vaw tlô ta:

EZEKIA 6:12

Lâhlapi ta a ypa cha potlana ta thi aw ta, lâhnia liata a ypa zaozi ta paopa ta, ahrohpa ta pahlôhpa cha chakâhna ta a thi aw. Cha hawhta taopa ta, ama chô liata ei hiehâhna cha ei padia aw.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

MATHAI 24:35

Lei nata vâ a lei aw, ei biezy deikua lei aw vei.

RYHPACHANEINA 32:24

Nodipa ta thi aw ei ta, Potlana rarôh ypa ta palâ khai aw ei ta, Hriiah chichhihpazy ta a palâ khai aw ei. Râhsa naoh seihpa zy âmo lâ tuah aw na ta, Dohlei liata alyhpa châmaih hneipa sazy âmo lâ ei tuah aw.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.