EZEKIA 5:15 - Mara Bible RV (BSI)

¹⁵ Hiehâhpa nata ruchhôpa ta thata cha chhoreipa ta, ei cha hrie tita, na chheipâh liata phopizy ta ama mohnaopa nata pasipasawhpa châ aw chi ta, âmo châta zikyurâna nata pachhiparyna na châ aw. Kei, Abeipa ta ei reih haw.

EZEKIA 5:15 ပူးပေါင်းရင်းမြစ်များ

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 THÂTIHZYRONA 29:8

Chavâta Abeipa pathiiana cha Zudâh nata Zerusale chô liata vaw tlô ta, nama mo ta nama hmôpa hawhna heta, chichhihpa nata noâhpa nata hmaotô chie awpa ta a tao ha ei.

HLAZY 39:11

Chyhsapa cha a moleina vâta chhorei chi ta, A kho chaipa hmo chhao chhoma-u hawhta na niepa tyh. Chyhsa zydua he ei kha husopa hawh dei ama vaw châ tlai he! Selah

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 43:28

Chavâta supathaihpa chhituhpazy cha, Nohzaopa ta ei tao aw ei; Zakaw cha tlokhuh parao awpa ta hlâ na ta, Izarei cha thata reipachhie awpa ta ei tao haw.”

ZEREMIAH 23:40

Chatanachata chhâzaw reipachhiena nata kôzaw maophyuhna my thei leipa cha nama chô liata ei vaw patlôsa aw.”

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

CHAPHÔHTUNA 2:15

Lâpi liata châ chapiapa zydua ta Ama ku ama cha chabaih chie; Zerusale sawchanô cha hmaotô chiepa ta ama luh chahuah chie ei ta, “He he khihpi chhithai pakipa, Khizaw zydua a palysapa khihpi, Ama tah tyhpa kha châ vei ma?” ama tah.

CHAPHÔHTUNA 2:16

Na chariahpa zydua ta ama pakah cha pakawh chie ei ta, Ama hmao ama cha tô chie; Ama hâh cha charieh chie ei ta, “Eima palâ haw! He noh he eima mokhâh tyhpa tlai kha châ ta, Eima hro chhôh ta eima hmô ha hih!” ama tah.

EZEKIA 11:9

Khihpi tawhta cha papuapa ta, chihropazy ku liata cha hlâ aw ei na ta, nama thâtih ei pachia aw.

EZEKIA 14:8

Cha chyhsa cha a heihnao aw na ta, ngiana nata pakhona bie ta tao aw na ta, ei phopi tawhta ei chhawh pathlah ha aw. Chatanachata Abeipa ei châ tahpa nama pahno aw.

EZEKIA 16:41

Na ozy mei ta rao aw ei ta, chanô hluhpi mohmô liata na thâtih ama pachia aw. Â zuah khao lei awpa ta cha tao aw na ta, nâ zuahnaopazy hnohta hlao pie khao aw va chi.

EZEKIA 16:57

na moleina hmôpa a châ hlâta cha, cha hawhta na tao tyhpa châ vei ma? Tahmâ deikua cha, Aramia sawchanôzy nata a chheipâh liata a ypa zydua ta ama reipachhie awpa châ ha bâ chi ta, su to tawhta châ pasipasawh tyhpa Philistinâ sawchanôzy ta ama reipachhie awpa na châ ha hih.

EZEKIA 22:4

Thisaih na palona liata thailei châ ha chi ta, khazoh nothlahpa na taopazy ta a papuapaleipa ta, na nohzy pahniasa chi ta, na kôzy a vaw tlô haw. Chavâta phopizy ta ama reipachhie awpa ta cha tao na ta, râh zydua ta ama pahneisao awpa ta ei cha tao haw.

EZEKIA 23:32

Abeipa Zehôvâh ta hetana heta a tah: “Na narônô nyu doh aw chi ta, Nyu tôh seihpa nata nyu laipa tlai na doh aw; A hluhpi â tlôhpa nyu a châpa vâta, Pahneisaopa nata zakheipa na châ aw.

EZEKIA 25:17

Hiehâh ngaitapa ta chhoreipa ta ama chô liata phuh ei la aw. Cha hawhta ama chô liata phuh ei la tita, Abeipa ei châ tahpa ama pahno aw,” tah ta.

EZEKIA 30:19

Cha hawhna chata Izi cha pachia aw na ta, Kei he Abeipa ei châ tahpa ama pahno aw.’”

EZEKIA 5:16

Chakâhna nata raona châtai chichhih ngaitapazy ta ei cha ka ti ei ta, cha pahleipadia awpa ta cha ka aw ei na ta, nama chô liata chakâhna patlôsa via rili aw na ta, nama niedo hmôna hnawh ei chhie ha aw.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

THEIHTHAINA 26:32

Râh cha keima tlai ta roryhrapa ta tao aw na ta, cha liata a pahrâpa nama chariahpazy taihta noâh ama tah aw.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

1 KAWRINI 10:11

Khazy kha pamosana châta ama chô liata a vaw tlôpa châ ta, keimo, daihti chhâna liata a ypazy pachuna châta ropa a châ.

RYHPACHANEINA 28:37

Chatanachata Abeipa ta a châ chhi nawpa phopi zydua hry liata, chichhihpa nata bieso nata hmo chhiepa lâta pakhopâna nama châ aw.

RYHPACHANEINA 28:46

Cha cha nâmo nata nama pathlazy chô liata Khazohpa hriena a tlôpa kyh chhâzaw ta ngiana nata noâhchhihpa a châ aw.