EZEKIA 5:13 - Mara Bible RV (BSI)

¹³ “Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

EZEKIA 5:13 ပူးပေါင်းရင်းမြစ်များ

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 59:17

Siana chachôhna vyhphao a ky ta, Pachhana lakhu â khu; Phuh lana chysia a tobi ta, Hiehâhna poh â bu.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 15:9

Saw pasari a satuhpa cha panao ta, A thlahpa a pathlie haw; Nohchhô ta a noh tla ha ta, Nozapa nata nohzaopa ta a y. Laibâhpazy cha zaozi ta thi awpa ta, Ama chariahpazy ku liata ei pie aw ei, Abeipa ta a tah.”

ZEREMIAH 25:12

Kô sysari a tloh nahta, Babylaw bei nata a râh, Kaldia mo râh cha, ama moleina vâta hrie aw na ta, râh cha chhâzaw ta roryhrapa­ta ei paysa aw.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

EZEKIA 13:15

Cha hawhna chata thokhy chô liata nata hlyu râhpa a hniatuhpazy chô liata ei pathiiana patlôsa na ta, nama hnohta, ‘Thokhy y khao leipa ta, hlyu râhpa a hniatuhpazy chhao y khao hra leipa ei ta,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 17:21

A pheisaih pha chaipa zydua zaozi ta pao aw ei ta, a laibâhpazy cha thlih pathlina lâ maihta amâ râpai aw. Chatanachata kei, Abeipa ta ei reih haw tahpa nama pahno aw.

EZEKIA 20:21

Châhrasala ama pathlazy ta nâ dyuh ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy zyh hra leipa ei ta, ei Pahânohzy ama papuapalei. Chavâta râhchawhpa liana khata ei pathiiana lei thlupa ta, ei hiehâhna cha âmo chô liata papai thlu awpa a chhuah na ta.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

EZEKIA 21:17

Kei chhao ei ku chabaih aw na ta, ei pathiiana a pai ha aw, kei Abeipa ta ei reih haw, tahpa ta na reih aw,” tah ta.

EZEKIA 21:22

Zerusale châta pachaona cha a chachâh lâta vaw tlô ta, thokhy paraona tao awpa zy, thie awpa ta biepie awpa zy, adyuhna hladyuh pathluah awpa zy, thokhy chhikao paraona tao awpa zy, thokhy parao nawpa ta alei pathlu thlupa ta, khihpi dôhna diahsua chhôh awpa kyh zy a vaw tlô.

EZEKIA 23:25

Ei hiatliana na chô liata patlôsa aw na ta, hiehâh ngaitapa ta na chô liata hmo ama tao aw. Na hnapasuzy nata na nakhaohzy chhawh pathlah aw ei ta, a laibâhpazy zaozi ta ama pao aw. Na sawchapawzy nata na sawchanôzy cha lapa aw ei ta, a laibâhpazy cha mei ta a kâsao aw ei.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 43:8

Ama châkeih cha ei châkeih kiapâh ta taopa ta, ama chhikao tôh chhao ei chhikao tôh kiapâh ta bôpa châ aw ta, âmo nata keima likawh liata pâhchhô deita paysapa ta, ei moh pathaihpa cha papuapalei khao aw veih ei. Ama hmotaopa pasichhihpazy ta ei moh pathaihpa papuapalei ei ta, chavâta ei hiehâhna ta âmo cha ei pahleipadia ha ei.

EZEKIA 6:10

Chatawhcha Abeipa ei châ tahpa pahno aw ei ta, he hmo pha leipazy ama chô liata ei tao awpa kyh he, reih chakhyh va na tahpa ama pahno aw,’” tah ta.

EZEKIA 6:12

Lâhlapi ta a ypa cha potlana ta thi aw ta, lâhnia liata a ypa zaozi ta paopa ta, ahrohpa ta pahlôhpa cha chakâhna ta a thi aw. Cha hawhta taopa ta, ama chô liata ei hiehâhna cha ei padia aw.

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

EZEKIA 7:8

Ei pathiiana na chô liata thlai cha lei thlu aw na ta, na chô liata ei hiehâhna cha ei padia aw. Na hroziezy hawhta cha pachia aw na ta, na pasichhihna zydua vâta ei cha hrie aw.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 9:2

a ryureina kô khana liata, kei, Dâniah heta, Zerusale cha kô sysari chhôh roryhrapa ta a y awpazie, hrohsopa Zeremiah hnohta Abeipa bie a vaw tlôpa cha châbuzy tawhta vaw pahno na ta.

HÔSIA 10:10

Pha ei tahna daihti liata Ei chhorei aw ei; Âmo a dyuh awpa ta, Phopizy a baopasu aw ei ta; Ama moleina a pathopazy vâta, Patupa ama châ aw.

ZEKARIA 6:8

Chatawhcha Vâlyuhchâpa ta ei hnohta, “Moh teh, maw râh lâta a siepazy khata, maw râh liata ei Thlahpa ama pahâsa haw,” tahpa ta na chho ta.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.