EZEKIA 5:12 - Mara Bible RV (BSI)

¹² Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

EZEKIA 5:12 ပူးပေါင်းရင်းမြစ်များ

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ZEREMIAH 13:24

Râhchawhpa tawhta thlih ta sâh sihpa a phaopa hawhta, Nâmo chhao ei cha papai aw ei.

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 15:9

Saw pasari a satuhpa cha panao ta, A thlahpa a pathlie haw; Nohchhô ta a noh tla ha ta, Nozapa nata nohzaopa ta a y. Laibâhpazy cha zaozi ta thi awpa ta, Ama chariahpazy ku liata ei pie aw ei, Abeipa ta a tah.”

ZEREMIAH 21:9

He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 24:10

Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 44:27

Phana châta châ leipa ta, chhiena châta ei mokhâh thlâh ha ei. Izi râh liata a ypa Zudâh chyhsa zydua cha, ama chhâ khaina taihta zaozi nata chakâhna ta pamuapa ama châ aw.

ZEREMIAH 9:15

Chavâta Pheisaihzy Abeipa, Izarei Khazohpa ta hetana heta a tah: Pachâ teh u, he phopi he pati khapa paniesa aw ei na ta, châmaih ti ei padosa aw ei.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

EZEKIA 12:14

A kiapâh liata a ypa ano baotuhpazy nata a pheisaihzy cha, thlih pathlina lâ maihta hiepatla aw ei na ta, ei zaozi a paih tawhta phia aw na ta, ei chadai aw ei.

EZEKIA 14:17

“Râh chô liata zaozi patlôsapa ta, ‘Zaozi ta râh chahryh sala, chyhsapa nata sazy râh tawhta chhawh pathlah khai ha mawh sy,’ ei tah khiahta cha,

EZEKIA 14:19

“Râh liata potlana patlôsapa ta, chyhsapa nata sazy râh tawhta chhawh pathlah khai awpa ta, ei pathiiana thisaih râh chô liata ei leih thlu khiahta cha,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

EZEKIA 21:22

Zerusale châta pachaona cha a chachâh lâta vaw tlô ta, thokhy paraona tao awpa zy, thie awpa ta biepie awpa zy, adyuhna hladyuh pathluah awpa zy, thokhy chhikao paraona tao awpa zy, thokhy parao nawpa ta alei pathlu thlupa ta, khihpi dôhna diahsua chhôh awpa kyh zy a vaw tlô.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 33:27

Ama hnohta reih teh, Abeipa Zehôvâh ta hetana heta a tah: Ei hrona reipa ta ei reih. Su rypa liata a ypazy cha zaozi ta pao tlai aw ei ta, lyurâhpa liata a ypazy cha sahrâhpazy hnohta ama nie awpa ta pie aw na ta, thokhy nata lôpu chhôh liata a ypazy cha potlana ta ama thi aw.

EZEKIA 36:19

Phopizy hry liata papai ei na ta, râh to liata hiepatlapa ama châ. Ama hroziezy nata ama hmo­taopazy hawhta ei pachia ei.

EZEKIA 43:8

Ama châkeih cha ei châkeih kiapâh ta taopa ta, ama chhikao tôh chhao ei chhikao tôh kiapâh ta bôpa châ aw ta, âmo nata keima likawh liata pâhchhô deita paysapa ta, ei moh pathaihpa cha papuapalei khao aw veih ei. Ama hmotaopa pasichhihpazy ta ei moh pathaihpa papuapalei ei ta, chavâta ei hiehâhna ta âmo cha ei pahleipadia ha ei.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

EZEKIA 5:17

Nama chô liata chakâhna nata sahrâhpazy vaw tuah aw na ta, nama sawzy mâchhiesapa ta ama cha tao aw. Potlana nata thisaih ta cha siepahlie aw ei ta, nama chô liata zaozi ei vaw patlôsa aw. Kei, Abeipa ta ei reih haw,” tah ta.

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

EZEKIA 7:15

Khôtho lâ zaozi y ta, a chhôh liata potlana nata chakâhna a y. Lyurâhpa liata a ypa cha zaozi ta thi aw ta, khihpi liata a ypa cha chakâhna nata potlana ta a palâ aw.

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

AMÔSÂ 9:4

Ama chariahpazy hmia lâta sei ta sie hra ei sala, Cha liata zaozi biepie aw na ta, Âmo cha ei thie aw ei; Phana lâ châ leipa ta, Chhiena lâta ei mo ei tawpâ aw ei.”

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.

RYHPACHANEINA 28:65

Cha phopizy hry liata huhnona rai hnei leipa aw ei chi ta, nama pheipazah châta a pahâna rai y aw vei. Cha liata Abeipa ta palôh achalyuna, mo bâna nata thlahpa thazeina zy a cha pie aw ei.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.