EZEKIA 5:10 - Mara Bible RV (BSI)

¹⁰ “Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

EZEKIA 5:10 ပူးပေါင်းရင်းမြစ်များ

2 ABEIZY 6:29

Ei sawchapawpa cha pasyuh pi ta, nie pi ta. A mylâ ta a hnohta, ‘Na sawchapawpa thyu bâ hra teh, ano cha eima nie bâ aw,’ tah na ta. Châhrasala a sawchapawpa cha a nyu haw,” tah ta.

NEHEMIAH 1:8

Châ chakaotuhpa Mawsi hnohta, ‘Ngâ namâ chhih leipa khiahta cha, phopizy hry liata cha hiepatla aw ei na ta,

HLAZY 44:11

Thie awpa mietaku hawhta miah tao chi ta, Phopizy hry liata miah na hiepatla haw.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 9:20

Ama chachâh lâta a ypazy niedo chhu aw ei ta, Châhrasala ama nodi thlâh ha pyly aw ta; Ama chavei lâtapa nie aw ei ta, Châhrasala ama rih bie hlei aw vei. Chyhsa to ta âmo chipathla sa ama nie chyu aw:

ZEREMIAH 13:14

Âmo nata âmo pasukhysa aw ei na ta, pawzy nata sawchapawzy amâ sukhy aw. Âmo pahleipadia lei awpa ta, ngiachhie leipa aw ei na ta, pahlôh hra leipa aw ei na ta, ei tha pasa aw veih ei,’” Abeipa ta a tah.

ZEREMIAH 19:9

Ama sawchapawzy nata ama sawchanôzy sa paniesa aw ei na ta, ama chariahpazy nata ama hrona la a chhuahpazy ta dôh aw ei ta, nôpopa ta ama paysa tita, mo to ta ama vaihzy sa ama nie aw.’

ZEREMIAH 44:12

Izi râh lâ hmiachhypa ta, cha liata pahrâ awpa ta a siepa Zudâh laibâhpazy cha patu aw ei na ta, ei pamua ha aw ei. Izi râ liata pao aw ei ta, zaozi nata chakâhna zy pamuapa ama châ aw. A chyh chaipa tawhta a lai chaipa taihta zaozi nata chakâh­na ta thi aw ei ta, chyhu sa thlupa, pachhiparypa, chhiesapa nata pasipasawhpa ama châ aw.

ZEREMIAH 49:32

“Ama râraoseihpazy cha, Hraona sôh châ aw ei ta; Ama viahchao zawzy chhao, Hraona sôh ama châ aw. Ama baih hmi a ngyupa phopi cha, Thlih pathlina su to lâta papai aw ei na ta, Kao to tawhta ama chô liata Chhiena ei vaw patlôsa aw,” Abeipa ta a tah.

ZEREMIAH 49:36

Avâ kaokih miapalih tawhta thlih miapalih Elâmi chô liata vaw pathlisa aw na ta, thlih pathlina kaokih to lâta ei papai aw ei. Elâmi râh tawhta to papua chyhsazy tlô leina râh rai y aw vei.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

CHAPHÔHTUNA 4:10

Ngiachhiena ta a biepa chanôzy ta Âmo ku tlai ta ama sawzy chhoh ei ta; Ei phopi sawchanô raona â tyhna daihti liata Ama nie awpa lâta amâ lie haw.

CHAPHÔHTUNA 4:16

Abeipa ano tlai ta âmo cha hiepatla ha ta, Uasa khao aw veih ei; Theihthaipazy ta zana hlao khao leipa ei ta, Machâzy ta khokheina hlao khao veih ei.

CHAPHÔHTUNA 4:3

Changiezy hmahta ama tawzy sâhpi pie ei ta, Pazysana châh ama pahno; Ei phopi sawchanô deikua cha nôchhiepa lâta pua ha ta, Râhchawhpa liata pavawpizy a lyu bâ.

EZEKIA 12:14

A kiapâh liata a ypa ano baotuhpazy nata a pheisaihzy cha, thlih pathlina lâ maihta hiepatla aw ei na ta, ei zaozi a paih tawhta phia aw na ta, ei chadai aw ei.

EZEKIA 12:15

Phopizy hry liata papaipa ta, râhzy liata ei hiepatla ti ei ta, Abeipa ei châ tahpa ama pahno aw.

EZEKIA 17:21

A pheisaih pha chaipa zydua zaozi ta pao aw ei ta, a laibâhpazy cha thlih pathlina lâ maihta amâ râpai aw. Chatanachata kei, Abeipa ta ei reih haw tahpa nama pahno aw.

EZEKIA 20:23

Cha dei châ vei, phopizy hry liata hiepatla awpa nata râhzy lâta papai awpa ta, râhchawhpa liana khata chyhu sapa ei na ta.

EZEKIA 22:15

Phopizy hry liata cha hiezâhpa ta, râh to liata cha papai aw na ta, na pathaih leinazy ei pachhâsa aw.

EZEKIA 36:19

Phopizy hry liata papai ei na ta, râh to liata hiepatlapa ama châ. Ama hroziezy nata ama hmo­taopazy hawhta ei pachia ei.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

THEIHTHAINA 26:29

Nama sawchapawzy sa nie aw ei chi ta, nama sawchanôzy sa nama nie aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

ZEKARIA 2:6

“Pua teh u! Pua teh u! Avâ thlih miapalih hawhta cha vaw hiepatla ha hra ei sah la, maw lâ râh tawhna khata a râ syulyu ha teh u,” Abeipa ta a tah.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 32:26

A tlawh ta pachhaih aw ei na ta, Khizaw ta â thei khao lei awpa ta ei pamua aw ei,’ Vaw tah ha aw sah la a pha awpa tlai.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.