EZEKIA 48:8 - Mara Bible RV (BSI)

⁸ “Zudâh râhri nochhi lâ tawhta notla lâta siepa ta, Abeipa lâ hlâ awpa râh na pahlôh aw. A hâ dy 25,000 châ aw ta, a doh lâ cha, nochhi tawhta notla lâta thliepa ta, chi kha topa râh nata a kho aw ta, a liah liata supathaihpa a y aw.

EZEKIA 48:8 ပူးပေါင်းရင်းမြစ်များ

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

EZEKIA 48:21

“Su pathaihpa nata khihpi râh chavei chachâh ta râh laibâhpazy cha abei eih a châ aw. Su pathaihpa châta râh pahlôhpa dy 25,000 tawhta nochhi râhri taihta sie aw ta, notla lâ chhao râh pahlôhpa dy 25,000 tawhta notla râhri taihta siepa ta, Izarei chizy topa râhzy nata a riaaipa ta a sie lymâ aw. Cha cha abei râh châ aw ta, a liah liata râh pathaihpa nata Achhyna o supathaihpa a y aw.

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

EZEKIA 48:9

Abeipa châta râh nama panano awpa cha, a doh lâ dy 25,000 châ aw ta, a hâ lâ dy 20,000 a châ aw.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

BIEPHUAH 21:22

Achhyna o deikua khihpi chhôh liata hmô va na, Abeipa Khazohpa Atotaotheipa nata Mietakutaw cha khihpi Achhyna o a châpa vâta.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

BIEPHUAH 22:3

Cha khihpi liana cha chhiesana rai y khao leipa aw ta, Khazohpa nata Mietakutaw beidyuchhai tlao y aw ta, a chakaotuhpazy ta ano cha amâ chhy aw.