EZEKIA 48:31 - Mara Bible RV (BSI)

³¹ cha chhôh liata chhikao miathôh y aw ta, Rubena chhikao, Zudâh chhikao nata Livai chhikaozy a y aw. Khihpi thokhy chhikaozy cha Izarei chizy moh pachyuhpa ta bi awpa a châ.

EZEKIA 48:31 ပူးပေါင်းရင်းမြစ်များ

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

ISAI 54:12

Rubi lôsôhpazy hmâpa ta, Na o sâhpazy padua aw na ta; Lôsôhpa pasohpazy hmâpa ta, Na thokhy chhikaozy ei tao aw; Lôsôhpa sôh ngaitapazy hmâpa ta, Na thokhyzy ei paduapathi aw.

ISAI 60:11

Râhzy tawhta sôh nata thihzy vaw phaoh ei sala, Ama beizy ta hmia amâ vaw sah thei nawpa ta, Na thokhy ochhizy cha, Khâ pahypa châ bâ aw ta, Chhô nah zâ ta khaw khao aw veih ei.

EZEKIA 48:30

“Hezy he khihpi tawhta puanazy a châ aw: Maw lâta dy 4,500 thlie aw ei chi ta,

EZEKIA 48:32

Nochhi lâta dy 4,500 chhôh liata chhikao miathôh y aw ta, Zawsi chhikao, Benzami chhikao nata Dânâ chhikaozy a châ aw.

BIEPHUAH 21:21

Chhikao miahrawh hleino cha taikulô miahrawh hleino ta taopa châ ta, chhikao to cha taikulô miakha hmâpa ta taopa a châ. Khihpi lâlai cha ngôh suapa ta taopa châ ta, thlalâ mopahlie theipa hawhta a châ.

BIEPHUAH 21:25

Nohchhô ta a chhikaozy khawpa châ beih leipa aw ta, cha liata zâ y aw vei.