EZEKIA 48:14 - Mara Bible RV (BSI)

¹⁴ Râh cha ama zua awpa châ leipa ta, amâ ri awpa châ hra vei. Cha râh pha chaipa cha, Abeipa châta râh pathaihpa a châpa vâta, mohropa hnohta ama pie awpa châ vei.

EZEKIA 48:14 ပူးပေါင်းရင်းမြစ်များ

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

EZEKIA 48:12

Cha cha râh pahlôhpa tawhta âmo châta pahlôh pachhuahpa su pathaihpa a châ aw. Cha cha su pathaih chaipa châ aw ta, Livai chizy râh nata â ri aw.

EZEKIA 48:13

“Theihthaipazy râh kiapâh ta sie lymâpa ta, Livai chizy ta râh hnei aw ei ta, a doh lâ dy 25,000, a hâ lâ dy 10,000 a châ aw. A doh zydua dy 25,000 châ aw ta, a hâ zydua dy 20,000 a châ aw.

THEIHTHAINA 23:20

Theihthaipa ta thei hmiatuapa viahchhâ cha, mietakutaw pô no chhaota, chaluahpa hlâna ta Abeipa hmiakô liata a chaluah aw. Chazy cha Abeipa châta pathaihpa châ ta, theihthaipa tovyuh a châ aw.

THEIHTHAINA 25:32

Livai chizy deikua cha, Livai khihpizy liata o ama hneipazy khatino rai ta ama chatlai thei aw.

THEIHTHAINA 25:34

Livai khihpizy chheipâh liata lyuzy deikua cha, chhâzaw châta ama ryuto râh a châpa vâta, zuah theipa châ aw vei.

THEIHTHAINA 27:28

“Chyhsa ta a hmohneipa Abeipa lâta a hlâ hapa, chyhsapa tlyma, sahroh tlyma, râh tlyma cha zuah awpa châ leipa ta, chatlai awpa châ hra vei. Hlâ hapa hmo zydua cha, Abeipa châta pathaih ngaitapa a châ khai.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.