EZEKIA 47:22 - Mara Bible RV (BSI)

²² Râh cha Izarei sawzy ta nama ryuto râh ta a rai aw ei chi ta, nama hry liata chihropa a pahrâpa, nama hry liata saw a hnei hapazy chhao nama rai hra aw. Âmo cha Izarei saw ta a pihpa hawhta châ aw ei ta, Izarei chizy hry liata, nâmo hawhta ryuto râh ama hnei hra awpa a châ.

EZEKIA 47:22 ပူးပေါင်းရင်းမြစ်များ

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

EZEKIA 45:1

“Ryuto châta râh namâ rai tita, râh su kha cha Abeipa châta râh pathaihpa châta nama panano awpa a châ. A doh lâ dy 25,000, a hâ lâ dy 20,000 châ aw ta, a zydua ta râh pathaih­pa a châ aw.

EZEKIA 47:21

“Cha râh cha Izarei chi yzie hawhta nama hry liata namâ rai aw.

EZEKIA 47:23

Kheihawhpa Izarei chi hry rai ta chihropa cha khihsa sala, cha liata a ryuto râh nama pie hra awpa a châ,” Abeipa Zehôvâh ta a tah.

EZEKIA 48:29

“Chazy cha Izarei chizy hnohta ama ryuto châta nama rai awpa râhzy châ ta, chazy cha ama tovyuh chyu a châ aw,” Abeipa Zehôvâh ta a tah.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 15:9

Keimo nata âmo likah panano leipa ta, ngiapâna ta ama pathipalôh a pathaisa ha ei.

RAWMA 10:12

Zu nata Krikâh likah ananona y vei. Abeipa pakha cha ama zydua chô liata Abeipa châ ta, ano a padotuhpa zydua chô liata byhnâ thata a pie tyhpa a châ.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

RYHPACHANEINA 10:19

Chavâta mapaihpazy kyh pachâ teh u, nâmo chhao Izi râh liata mapaihpazy nama châ hrapa kha.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.