EZEKIA 47:14 - Mara Bible RV (BSI)

¹⁴ Châ pathlatuhpazy hnohta pie awpa ta ku chaluahpa ta bie ei taihpa râh cha, â khopa ta namâ rai awpa a châ. Cha râh cha nama ryuto râh a châ aw.

EZEKIA 47:14 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 20:42

Châ pathlatuhpazy hnohta pie awpa ta ku chaluahpa ta bie ei taihpa râh, Izarei râh lâ ei châ chhi ti ei ta cha, Abeipa ei châ tahpa nama pahno aw.

EZEKIA 36:12

Nama chô liata chyhsazy chareisa aw ei na ta, ei phopi Izarei sawzy ei chareisa aw ei. Âmo ta na tlâh liata pahrâ aw ei ta, ama ryuto râh châ aw chi ta, ama sawzy pathisa khao aw va chi.

EZEKIA 48:29

“Chazy cha Izarei chizy hnohta ama ryuto châta nama rai awpa râhzy châ ta, chazy cha ama tovyuh chyu a châ aw,” Abeipa Zehôvâh ta a tah.

MALUHREINA 14:16

‘Abeipa ta he zawpizy he ama hnohta pie awpa ta bie â taihpa râh lâ a tlôkhei thei leipa vâ ei ta, râhchawhpa liata a thie ha ei,’ ama tah pathlei aw.

MALUHREINA 14:30

Bâh pazawhpa tlai ta nama pahrâ nawpa tao awpa ta bie ei châ taihpa ei râh cha, Zephune sawchapawpa Kâlebâ nata Nunâ sawchapawpa Zawsua tah leipa ta cha ahy hmah a ngia aw veih ei chi.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.