EZEKIA 47:12 - Mara Bible RV (BSI)

¹² A chavah ngiahkâ hesâ haosâ ta, nie awpa theilâpa kô to ama pyuh aw. Ama hna uah beih leipa aw ta, ama thei lo beih aw vei. Supathaihpa tawhta a lohpa chavah ta pasapa ama châpa vâta, thla tato ta ama pathei aw. Ama thei cha niepa châta châ aw ta, ama hnazy cha tlâhna châta a châ aw.

EZEKIA 47:12 ပူးပေါင်းရင်းမြစ်များ

ÂTHAONA 2:9

Zehôvâh Khazohpa ta, mo la ngaitapa nata nie awpa phapa tho chi to chhaohlei tawhta papyusa ta. Sadô liah liata hrona tho y ta, chhie nata pha pahnona tho chhao a y.

ZAWBÂ 8:16

Ano cha nohsa ry liata chhao hroh thei ta, A chhyhzy a sadô liata a thao.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

ISAI 1:6

Pheipazah tawhta luh taih tlai ta, Pasa khai ha ta; Hmah nata thidôna nata hniahzy ta bie ta, Hniahzy cha pazâpa châ leipa ta, Chahrypa nata sathaw hniapa châ hra vei.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ZEREMIAH 17:8

Ano cha ti kiah liata tho lopa hawhta châ ta, Chavah kiah liata thari a pazawhpa hawhta a châ; A hnazy khâ hroh ta, Noh lopa a vaw tlôpa chi vei; A thei patheipa a chalih leipa ta, Noh kâhna kô liata a pachâ rôh vei.”

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

EZEKIA 47:7

Ei kua nahta, chavah ngiahkâ tlykha ta, hesâ nata haosâ ta tho hluhpi vaw y ta.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.