EZEKIA 47:1 - Mara Bible RV (BSI)

¹ Chatawhcha Achhyna o ochhi lâ na kuakhei ta, Achhyna o châkeih ry tawhta nochhi lâta ti a lohpa hmô na ta. Achhyna o cha nochhi lâ a heihpa a châ. Ti cha maisâh chho lâta a ypa Achhyna o chachâh lâta châkeih ry tawhta vaw loh ta.

EZEKIA 47:1 ပူးပေါင်းရင်းမြစ်များ

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

HLAZY 46:5

Khihpi liah liata Khazohpa pahrâ ta, Khihpi cha a chalyu aw vei; My khihdei tita Khazohpa ta a bao tyh aw.

HLAZY 87:7

Hlasathaipazy nata lâhthaipazy ta â lyupa ta, “Ei byhnâ hnawh zydua Zaio liata a y,” ama tah aw.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 30:25

Riahvaina o sâhpazy pao ha ta, thata athietuna noh liata, tlâh sâhpa to nata tlâh byuhpa to liata vahtiezy ama loh zaolao aw.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

EZEKIA 40:6

Chatawhcha nochhi lâ a heihpa chhikao lâ vawh ta, kahmi kiah ta, chhikao châkeih thlie ta, chôchahrei do kha a kawh.

EZEKIA 41:2

Achhyna o lâ angiana chhikao cha dy hrawh kawh ta, a kâ chavei chachâh ta pâhchhô chatipazy cha dy pangawh raihrie a chha. Achhyna opi chhôh thlie ta, a doh lâ dy sypalih châ ta, a hâ lâ dy kih a châ.

EZEKIA 46:24

Chyhsa chata ei hnohta,, “Hezy he beihchhona suzy châ ta, Achhyna o liata chakaotuhpazy ta zawpi tawhta atheihna ama hlâpazy ama chho nawpa su a châ,” tah ta.

EZEKIA 47:12

A chavah ngiahkâ hesâ haosâ ta, nie awpa theilâpa kô to ama pyuh aw. Ama hna uah beih leipa aw ta, ama thei lo beih aw vei. Supathaihpa tawhta a lohpa chavah ta pasapa ama châpa vâta, thla tato ta ama pathei aw. Ama thei cha niepa châta châ aw ta, ama hnazy cha tlâhna châta a châ aw.

EZEKIA 47:2

Chatawhcha maw chhikao lâ tawhta na puakheipa ta, khôtho lâ nâ chhi ta, nochhi lâ a heihpa chhikao taihta na siekhei ta. Chho lâ tawhta ti vaw loh ta.

ZÔELA 3:18

“Cha noh liata, Tlâhpizy tawhta kresawhti thlôhpa a zâ thlaoh aw; Tlâhthlôhzy liata sâhpiti loh aw ta, Zudâh vahtiepa zydua liata tizy a loh aw; Abeipa o tawhta tihnawh vaw pua aw ta, Siti Saikao cha ti ta a bao aw.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

ZEKARIA 14:4

Cha noh liata, Zerusale kiah nochhi lâta a ypa Ôli Tlâh liata a phei tlypa ta a duah aw ta, Ôli Tlâh cha nochhi nata notla ta a liah liata a patlaw aw ta, saikao kawh ngaitapa a tao aw. Tlâh khophie maw lâta a pasie aw ta, â khophie chho lâ â pasie aw.

ZEKARIA 14:8

Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.