EZEKIA 45:8 - Mara Bible RV (BSI)

⁸ Cha cha Izarei liata abei tovyuh râh a châ aw. Keima abeizy ta ei phopi tlybai khao leipa aw ei ta, Izarei pathlazy cha âmo chi chyu ta râh tlao ama pahneisa ha aw.

EZEKIA 45:8 ပူးပေါင်းရင်းမြစ်များ

BIESOZY 28:16

Novâhna a phahlapa ryureituhpa cha, Tlybaituhpa nôchhiepa châ ta; Adoleipa ta athôhna hmôpa a haotuhpa deikua cha, A hro chhôh kôzy a pasisa aw.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

EZEKIA 19:3

A taw pô kha cha khâsia via ta, Chakeibarôhneipa lochopa a vaw châ haw; Sa tai a chu ta, Chyhsazy a sie lymâ ei.

EZEKIA 19:7

Ama nôhmeizy patu ta, Ama khihpizy roryhrapa ta a paysa; Â rôhpa pyu vâta, Râh nata a chhôh liata a ypa zydua thlazohpa ta ama y.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 46:18

Râhsawzy cha abei ta ama ryuto râhzy tawhta papuapa ta, ahy ryuto râh hmah a chhu awpa châ vei. A sawchapawzy cha, ano râh tawhta ama ryuto râhzy a pie awpa ei a châ. Chatanachata ei phopi chyhsa ahy hmahta a ryuto râh tawhta papuapa châ aw veih ei.”

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

ZÂMIE 2:6

Nâmo deikua cha, dyhchhiepa nama mohnao. Châ tlybaipa nata pachiana lâ châ daophituhpazy cha hneirôhpazy châ tyh veih ei ma?

ZAWSUA 11:23

Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.

ZAWSUA 19:49

Râh cha ryu ta to awpa ta ama tovyuh chyu raipa a châ khai tawhta, Izarei sawzy ta Nunâ sawchapawpa Zawsua cha ama hry liata ryuto râh pie hra ei ta.