EZEKIA 45:5 - Mara Bible RV (BSI)

⁵ A su hropa khophie cha, Achhyna o liata a chakaopa Livai chizy châta châ aw ta, a doh lâ dy 25,000, a hâ lâ dy 10,000 a châ aw. Cha cha Livai chizy ta ama tovyuh châta ama hnei awpa khihpizy a châ aw.

EZEKIA 45:5 ပူးပေါင်းရင်းမြစ်များ

EZEKIA 40:17

Chatawhcha khôtho tlyhmia lâ nâ chhi ta. Tlyhmia chadôpa ta chhôhpadâhpazy nata lâpi miakha y ta. Lâpi lâ a heihpa ta chhôhpadâhpa sythôh a y.

EZEKIA 48:10

Hezy he su pathaihpa châta pahlôh awpazy a châ: Theihthaipazy to awpa ta, maw lâta a doh dy 25,000, notla lâta a hâ dy 10,000, nochhi lâta a hâ dy 10,000, chho lâta a doh dy 25,000 châ aw ta, a liah liata Abeipa supathaihpa a y aw.

EZEKIA 48:13

“Theihthaipazy râh kiapâh ta sie lymâpa ta, Livai chizy ta râh hnei aw ei ta, a doh lâ dy 25,000, a hâ lâ dy 10,000 a châ aw. A doh zydua dy 25,000 châ aw ta, a hâ zydua dy 20,000 a châ aw.

EZEKIA 48:20

Râh nama pahlôh awpazy cha, a doh nata hâ a khopa châ aw ta, a doh lâ dy 25,000, a hâ lâ dy 25,000 a châ aw. Cha cha su pathaihpa nata khihpi râh châta nama pahlôh awpa a châ.

THEIHTHAINA 23:42

Byureih liata noh sari chhôh y aw ei chi ta, a râh chyhsa Izarei saw zydua cha byureihzy liata pahrâ khai awpa a châ.

MALUHREINA 35:2

“Izarei sawzy hnohta, ryuto râh ama hneipa tawhta Livai chi pahrâ nawpa khihpizy châta râh a chhaih awpa ta biepie teh. Khihpizy chaby liata sibiepa suzy chhao sahroh pasana châta nama pie pâ aw.