EZEKIA 45:18 - Mara Bible RV (BSI)

¹⁸ “Abeipa Zehôvâh ta hetana heta a tah: Thla khana, noh khana noh liata, viahchao hri tawhta seina hnei leipa viahchao tôhpa la aw chi ta, supathaihpa na pathaisa aw.

EZEKIA 45:18 ပူးပေါင်းရင်းမြစ်များ

PUASAINA 12:2

“He thla he nâmo châta thlazy rei pathaona châ aw ta, kô a thaona thla a châ aw.

PUASAINA 40:2

“Thla khana noh khana noh liata ahmaohna poh o achhyna byureih na padua awpa a châ.

EZEKIA 43:19

na chakao awpa ta nâ vaw hniapa Livai chi Zadô pathla theihthaipazy hnohta, moleina hlâna châta viahchao hri tawhta a tôh dawpa na pie awpa a châ, Abeipa Zehôvâh ta a tah.

EZEKIA 43:20

A thisaih la aw chi ta, maisâh ki miapalih nata a tlâhkhai ki palihzy nata a tlâh padôpazy liata na hnia aw. Cha hawhna chata maisâh cha pathaisa aw chi ta, chatlaina na taopa aw.

EZEKIA 43:22

A noh nona liata, moleina hlâna châta seina hnei leipa mie tôhpa hlâ aw chi ta, viahchao tôhpa ta maisâh pathaisapa hawhna khata pathaisa awpa a châ.

EZEKIA 43:23

Maisâh pathaisana na tao khai tawhta, viahchao hri hry tawhta seina hnei leipa viahchao tôhpa nata mietaku zaw hry tawhta seina hnei leipa mietaku tôhpa na hlâ aw.

EZEKIA 43:26

Noh sari chhôh maisâh châta chatlaina tao aw ei ta, ama pathaisa aw. Cha hawhna chata maisâh cha pathaisapa a châ aw.

EZEKIA 45:20

Cha thla noh sarina noh liata, tao pathleipa vâta tlyma, pahno leina vâta tlyma, a moleipazy châta chhao, cha hawhta na tao aw. Cha hawhna chata Achhyna o châta chatlaina na tao awpa a châ.

EZEKIA 46:1

“Abeipa Zehôvâh ta hetana heta a tah: Dôhpachhôh tlyhmia chhi­kao nochhi lâ a heihpa cha, raihriana noh noh charu chhôh khawpa châ aw ta, Pahânoh liata deikua pahypa a châ aw. Thla thiehpa noh liata chhao pahypa a châ aw.

THEIHTHAINA 16:16

Chatanachata Izarei sawzy pathaih leinazy, ama paraonazy nata ama moleina zydua vâta Su Pathaihpa châta chatlaina a tao aw. Cha hawhna chata, ama pathaih leinazy hry liata ama hnohta a ypa ahmaohna poh o châta chhao a tao aw.

THEIHTHAINA 16:33

Supathaihpa, ahmaohna poh o nata maisâh zy châta chatlaina tao aw ta, theihthaipazy nata zawpi châta chhao chatlaina a tao aw.

THEIHTHAINA 22:20

Seina a hneipa rai nama hlâ awpa châ vei. Cha hawhpa cha nama châta a pyh tlâh châ aw vei.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.