EZEKIA 43:4 - Mara Bible RV (BSI)

⁴ Abeipa rônahna cha nochhi lâ a heihpa chhikao lâ tawhta Achhyna o lâ a vaw ngia ta.

EZEKIA 43:4 ပူးပေါင်းရင်းမြစ်များ

PUASAINA 40:34

Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.

PUASAINA 40:35

Cha hawhta meihdo a vaw chhoh ta, Abeipa rônahna ta achhyna byureih a bie hapa vâta, Mawsi cha ahmaohna poh o chhôh lâ a ngia thei khao vei.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

EZEKIA 1:28

A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

EZEKIA 11:23

Abeipa rônahna cha khihpi tawhta kiah ta, khihpi nochhi lâta tlâhpi liata a duah ta.

EZEKIA 3:12

Chatawhcha Thlahpa ta na chalo ta, ei hnôh lâ tawhta losihpa ru ngaitapa pyu thei na ta, “Abeipa rônahna cha a pahrâna su tawhta reithaipa ta y mawh sy!” tahpa ta ao vaw pua ta.

EZEKIA 43:1

Cha khai tawhta, chyhsa chata nochhi lâ a heihpa chhikao lâ nâ chhi ta.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

EZEKIA 44:2

Abeipa ta ei hnohta, “He chhikao he khâ khawpa châ aw ta, pahypa châ aw vei. Abeipa, Izarei Khazohpa angiana chhikao a châpa vâta, ahy hmahta cha chhikao lâ tawhta a ngia aw veih ei. Â khaw ngâ thlâh ha awpa a châ.

EZEKIA 44:4

Chatawhcha maw lâ a heihpa chhikao lâ tawhta Achhyna o tlyhmia lâ nâ chhi ta. Moh na ta, Abeipa Achhyna o cha Abeipa rônahna ta a bie khai hapa ta hmô na ta. Â khu lâta pao na ta.