EZEKIA 42:20 - Mara Bible RV (BSI)

²⁰ A kâ miapalih thlie heih ta. Achhyna o cha thokhy ta chadô ta, a doh lâ dy za pangawh, a hâ lâ dy za pangawh a châ. Cha thokhy cha su pathaihpa nata vâtlâh yna pananona châta taopa a châ.

EZEKIA 42:20 ပူးပေါင်းရင်းမြစ်များ

HLAZY HLA 2:9

Ei lôhdupaw cha sakhih lyu ta, Zuneih tôh dawpa a lyu. Moh teh u, eima pâhchhô a pahlipa ta a duah ta, Opyzy tawhta vaw moh ta, Samokaw tawhta a vaw sai ngâ kaw huh.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 40:5

Achhyna o khôtho liata, Achhyna o chadôpa ta thokhy y ta, chyhsa chata dy seihpa ta dy charu seihpa thliena chôchahrei chaba ta, dy kha cha dy kha nata pazah tie chyu a seih. Thokhy chhana zie cha thlie ta, chôchahrei do kha châ ta, â sâhna lâ chhao chôchahrei do kha a châ hra.

EZEKIA 42:19

Chatawhcha notla lâ a liepa ta thlie heih ta, thliena chôchahrei ta thliepa ta dy za pangawh a châ hra.

EZEKIA 43:12

He he Achhyna o ryhpa cha a châ: Tlâhpi laki nata a chaby zydua cha su pathaih chaipa a châ aw. Nathlie teh, he he Achhyna o ryhpa cha a châ.

EZEKIA 44:23

Ei phopi cha hmo ziehpa nata zieh leipa ananona pachu aw ei ta, hmo pathaihpa nata pathaih leipa ananona ama pachu awpa a châ.

EZEKIA 45:2

Cha tawhtapa cha supathaihpa châta a doh nata hâ a khopa su miakha, a dôh lâ dy 500, a hâ lâ dy 500 ta taopa châ aw ta, su tlyhpa dy sypangawh a kawhpa ta a chadô aw.

EZEKIA 48:15

“A laibâhpa, a hâ dy 5,000 nata a doh dy 25,000 cha, khihpi châta châ aw ta, vâtlâh hmâ awpa a châ. Pahrâna ozy sa nawpa nata a chheipâh sibiepa suzy châta châ aw ta, khihpi cha a liah liata a y aw.

EZEKIA 48:20

Râh nama pahlôh awpazy cha, a doh nata hâ a khopa châ aw ta, a doh lâ dy 25,000, a hâ lâ dy 25,000 a châ aw. Cha cha su pathaihpa nata khihpi râh châta nama pahlôh awpa a châ.

THEIHTHAINA 10:10

Hmo ziehchhôhpa nata hmo vâtlâhpa panano aw ei chi ta, hmo pathaih leipa nata pathaihpa nama panano awpa a châ.

MIKÂ 7:11

Na thokhyzy chhôh nawpa noh a vaw tlô hai! Cha noh liata na râhri pakawhpa a châ aw.

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

LUKA 16:26

Cha leipa chhao ta, he su tawhta nâmo lâ sie a chhuahpazy ta ama sie thei lei nawpa nata kha su tawhta keimo lâ ahy hmah amâ vy thei lei nawpa ta, keimo nata nâmo likawh liata leichiepa kawh ngaitapa taopa a châ haw,’ tah ta.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;