EZEKIA 42:14 - Mara Bible RV (BSI)

¹⁴ Theihthaipazy ta Su Pathaihpa chhôh lâ amâ ngia tita, ama chakaona chysiazy khôtho lâ ama puakhei awpa châ vei. Chysia pathaihpazy a châpa vâta, Su Pathaihpa liata soh aw ei ta, chysia hropazy amâ thla khai tawhta vâtlâh suzy lâ ama pua awpa a châ,” tah ta.

EZEKIA 42:14 ပူးပေါင်းရင်းမြစ်များ

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

EZEKIA 44:1

Chatawhcha nochhi lâ a heihpa supathaihpa khôtho chhikao lâ nâ chhi ta. Chhikao cha a vaw khaw ha ta.

EZEKIA 44:19

Ama chysiazy tawhta zawpizy lâta pathaihna a kia pathlei lei nawpa ta, dôhpachhôh khôtho lâta vâtlâh tlyhmia lâ ama pua tita, ama chakaona chysiazy pahluh aw ei ta, chhôhpadâhpa pathaihpazy liata soh aw ei ta, chysia hropazy amâ patly tyh awpa a châ.

THEIHTHAINA 16:23

“Chatawhcha Arawna cha ahmaohna poh o liata a ngia aw ta, Su Pathaihpa lâ â ngia nota pala rih dipa chysia â taopazy pahluh aw ta, cha liata a siesai aw.

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

THEIHTHAINA 8:13

Abeipa ta Mawsi hnohta bie a piepa hawhta, Mawsi ta Arawna sawchapawzy a vaw chhi ta, chôtho pakysapa ta, chaisaihna pasaih ta, khuthozy a pakhu ei.

THEIHTHAINA 8:7

Arawna cha chôtho paky ta, chaisaihna pasaih ta, poh pabu ta, ephaw paky thlu ta, zôpha kawpa ta sapa ephaw chaisaihna ta a chai saih ta, cha chata ephaw cha a pôhpa nata saih pa-i ta.

LUKA 9:62

Zisu ta a hnohta, “Ahy rai leipalie liata a ku soh ta hnôh lâ a heihpa cha, Khazohpa khinarâh chyhsa tlâh châ vei,” tah ta.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

KALATIA 3:27

Krista liata bâti a châpazy cha, Krista ta a tobipazy nama châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”