EZEKIA 41:4 - Mara Bible RV (BSI)

⁴ Achhyna opi chhôh chaipa liata chhôhpadâhpa thlie ta, a doh lâ dy kih châ ta, a hâ lâ dy kih a châ. Chatanachata ei hnohta, “He he Su Pathaih Chaipa a châ,” tahpa ta eina chho.

EZEKIA 41:4 ပူးပေါင်းရင်းမြစ်များ

1 ABEIZY 6:16

Achhyna o chhôh, o hnôh lâ daih liata Su Pathaih Chaipa tao ta, cha cha dy kih ta taopa a châ. Siphiah tawhta vâphuh taihta sidy thophia sai ta chhôhpa a châ.

1 ABEIZY 6:20

Cha supathaihpa cha a doh lâ dy kih, a hâ lâ dy kih, â sâhna lâ dy kih châ ta, ngôh suapa ta pahu khaipa a châ. Sidy maisâh chhao ngôh suapa ta a pahu hra.

1 ABEIZY 6:5

Achhyna o khôtho lâta pâhchhô nata a chhôh lâta pâhchhô zy padôpa ta, pâhchhôzy pasusapa ta, o cha a chhâh ta sa ta, chhôhpadâhpazy a tao.

1 ABEIZY 7:50

ngôh suapa ta taopa nyuzy, meiôh lao chakienazy, biebuhzy, ropahâhpa beihkohzy nata mei lanazy a tao. Achhyna o chhôh chaipa, Su Pathaih Chaipa lâ angiana nata Achhyna ochhôh pipa lâ angiana ochhi patunazy chhao ngôh ta a tao khai.

1 ABEIZY 8:6

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

2 THÂTIHZYRONA 3:8

Chatawhcha Su Pathaih Chaipa tao ta. A doh lâ cha o hâ nata pakhopa ta, dy kih ta taopa châ ta, a hâ lâ chhao dy kih a châ hra. Su Pathaih Chaipa cha ngôh suapa ta pahu ta, talent 600 hmâpa a châ.

2 THÂTIHZYRONA 5:7

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

EZEKIA 41:23

A o chhôh nata Su Pathaih Chaipa zy cha ochhi miano raihrie ama hnei.

BIEPHUAH 21:16

Khihpi cha ki palih hnei ta, a doh nata a hâ a khopa a châ. Khihpi cha lohthi ta thlie ta, lyu 12,000 châ ta, a doh, a hâ nata â sâhna lâ â kho khai.