EZEKIA 41:16 - Mara Bible RV (BSI)

¹⁶ ochhi châkeihzy, opy buahpazy nata pâhchhô liata atyunazy cha, a chhâh thôh ta, siphiah tawhta a opyzy taihta a zydua ta thophia ta pathopa a châ. Opyzy chhao pathopa a châ.

EZEKIA 41:16 ပူးပေါင်းရင်းမြစ်များ

1 ABEIZY 6:15

O chhôh lâ pâhchhô cha sidy thophia ta patho ta. Siphiah tawhta a chô lâ vâphuh taihta a chhôh lâ cha tho bai khai ta, a siphiah châta meisah vyhpa thophia a phaw.

1 ABEIZY 6:4

Achhyna o pâhchhô liata opy buahpazy pahy ta, opy tôhtlâhzy cha a vâhchapiapa ta a tao.

2 THÂTIHZYRONA 3:5

Chhôhpadâhpa lai viapa pâhchhô liata meisah vyhpa bai ta, cha cha ngôh suapa ta pahu ta, cha liata thiahrâ tho nata bâlia nothlahpazy a tao.

ISAI 6:4

Awtuhpa awna ao ta ochhi tôhzy chalyusa ta, o cha meikhuh ta bie ha ta.

EZEKIA 10:18

Chatawhcha Abeipa rônahna cha Achhyna o chhikao tawhta pua ta, cherubizy chô liata a kei duah ta.

EZEKIA 40:16

Chhikao o cha opyzy hnei ta, vaituhpa chhôhpadâhpazy nata ama pâhchhô chatipa lâchhâh cha buah via laih lymâ ta, cha hawhna chata aikahzy chhao a chhôh lâta opyzy y ta, pâhchhô chatipazy liata thiahrâ kôzy a y.

EZEKIA 40:25

Pâhchhô chatipazy nata aikah cha, opyzy ta chadô ta, pâhchhô chatipa nata aikah hropa opyzy nata amâ lyu. A doh cha dy sypangawh châ ta, a hâ dy kih nata dy pangawh a châ.

EZEKIA 40:6

Chatawhcha nochhi lâ a heihpa chhikao lâ vawh ta, kahmi kiah ta, chhikao châkeih thlie ta, chôchahrei do kha a kawh.

EZEKIA 41:15

Chatawhcha Achhyna o hnôh lâ thlie ta, dôhpachhôh nata pâhchhô liata atyuna suzy rei pâpa ta, dy za kha a châ. A o chhôhzy, dôhpachhôh tlyhmia aikahzy,

EZEKIA 41:17

Ochhi luh chô nata chhôh­padâhpa pathaih chaipa nata a khôtho lâ chhao, a pâhchhô zydua a chhôh lâ nata khôtho lâ thlie khaipa a châ.

EZEKIA 42:3

Dôhpachhôh tlyhmia lâ nata khôtho tlyhmia lâpi lâ a heihpa ta, chhôhpadâhpa chhâh thôh liata pâhchhôzy liata atyunazy y ta.

HÂKAI 1:4

“He o a rao khai ha nota, nâmo deikua nama o pha ngaitapazy liata nama pahrâpa cha a daihti a châ ma?

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.