EZEKIA 41:1 - Mara Bible RV (BSI)

¹ Chatawhcha chyhsa chata Achhyna opi lâ nâ chhi ta, a pâhchhô chatipazy thlie ta, a kâ chavei chachâh ta dy charu chha ta, cha cha byureih hâ a châ.

EZEKIA 41:1 ပူးပေါင်းရင်းမြစ်များ

1 ABEIZY 6:1

Izarei sawzy Izi râ tawhta ama kaw pua tawhta kô za palih nata sychariena kô, Izarei chô liata Sawlawmaw â beina kô palihna, Zivi thla, thla nona liata Abeipa o cha sa pathao ta.

1 ABEIZY 6:2

Bei Sawlawmaw ta Abeipa châta o a sapa cha a doh lâ dy sycharu châ ta, a hâ la dy kih châ ta, â sâhna lâ dy sythôh a châ.

EZEKIA 40:17

Chatawhcha khôtho tlyhmia lâ nâ chhi ta. Tlyhmia chadôpa ta chhôhpadâhpazy nata lâpi miakha y ta. Lâpi lâ a heihpa ta chhôhpadâhpa sythôh a y.

EZEKIA 40:9

Chhikao aikah thlie ta, dy charie châ ta, a pâhchhô chatipazy dy no chyu châ ta, chhikao aikah cha Achhyna o chhôh chhâna liata a y.

EZEKIA 41:21

O chhôh lâta ochhi tôhzy cha ki palih hneipa ta taopa châ ta, Su Pathaih Chaipa hmiakô liata tho maisâh a lyupa a y.

EZEKIA 41:23

A o chhôh nata Su Pathaih Chaipa zy cha ochhi miano raihrie ama hnei.

EZEKIA 41:3

Chhôhpadâhpa chhôh viapa lâ a ngia ta, angiana pâhchhô chatipazy thlie ta, dy no chyu chha ta, ochhi cha dy charu kawh ta, angiana chavei chachâh ta pâhchhôzy cha dy sari raihrie a kawh.

EZEKIA 42:1

Chatawhcha chyhsa chata maw lâta dôhpachhôh tlyhmia lâ nâ chhi ta, su tlyhpa dady liata a ypa maw lâta chhôhpadâhpa lâ einâ chhi.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

BIEPHUAH 21:15

Bie nâ chhotuhpa vâlyuhchâpa cha khihpi nata a chhikaozy nata a thokhy cha thlie nawpa ngôh lohthi hnei ta.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.