EZEKIA 40:5 - Mara Bible RV (BSI)

⁵ Achhyna o khôtho liata, Achhyna o chadôpa ta thokhy y ta, chyhsa chata dy seihpa ta dy charu seihpa thliena chôchahrei chaba ta, dy kha cha dy kha nata pazah tie chyu a seih. Thokhy chhana zie cha thlie ta, chôchahrei do kha châ ta, â sâhna lâ chhao chôchahrei do kha a châ hra.

EZEKIA 40:5 ပူးပေါင်းရင်းမြစ်များ

HLAZY 125:2

Tlâhpizy ta Zerusale a chadôpa hawhta, Abeipa ta a phopi cha tahmâ tawhta chhâzaw ta a ypâ lymâ aw.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

EZEKIA 41:8

Achhyna o cha, a o zydua padôpa ta, alei hlâta â sâh viapa ta â bôna lôdao taopa châ ta, cha cha laitlâ châta hmâ pâpa a châpa hmô na ta. A kâ lâta chhôhpadâhpazy abôna cha, dy charu a seihpa thliena chôchahrei tie tlai ta â sâh.

EZEKIA 42:15

Achhyna o pipa chhôh lâ a thlie khai tawhta, nochhi lâ a heihpa chhikao lâ nâ chhi ta, Achhyna o chheipâh zydua thlie ta.

EZEKIA 42:20

A kâ miapalih thlie heih ta. Achhyna o cha thokhy ta chadô ta, a doh lâ dy za pangawh, a hâ lâ dy za pangawh a châ. Cha thokhy cha su pathaihpa nata vâtlâh yna pananona châta taopa a châ.

EZEKIA 43:13

“Hezy he dy ta maisâh thlienazie châ ta, dy seihpa hmâpa ta, dy khapa cha dy kha nata pazah tie a châ: Patyuna cha dy kha a sâhpa nata dy kha phiapa châ aw ta, a tlâh cha kha kha padai ta pabyuh lymâ awpa a châ. He he maisâh asâhna zie awpa a châ:

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

RYHPACHANEINA 3:11

Bâsanâ bei Ôkâ deita cha Rephai chi a y chhôhpa châ ta, a rakhô cha thua rakhô châ ta, a doh lâ dy chaki seih ta, a hâ lâ dy palih a kawh. Cha cha tahmâ taihta Amawna pathlazy khihpi Râbâ liata a y thlâh ha.

BIEPHUAH 21:12

Thokhy rônahpa nata a sâhpa hnei ta, chhikao miahrawh hleino hnei ta, chhikao thabyzy liata vâlyuhchâpa pahrawh hleino y ei ta, chhikaozy liana cha Izarei pathla chi hrawh hleinopazy moh ropa a châ.