EZEKIA 40:45 - Mara Bible RV (BSI)

⁴⁵ Ano ta ei hnohta, “Chho lâ a heihpa chhôhpadâhpa he, Achhyna o a vaotuhpa theihthaipazy y nawpa châ ta,

EZEKIA 40:45 ပူးပေါင်းရင်းမြစ်များ

1 THÂTIHZYRONA 9:23

Âmo nata ama sawzy cha Abeipa o chhikao vaina kyh liata maophaohtuhpa châ ei ta, achhyna byureih chhikaozy cha mohôhpa ta ama vaih tyh.

HLAZY 134:1

Nâmo, Abeipa chakaotuhpa zydua saih u, A vy u la, Abeipa cha reithai teh u! Abeipa o liata zâ ta a duah tyhpa zydua saih u, Abeipa cha reithai teh u!

THEIHTHAINA 8:35

Ahmaohna poh o chhikao liata noh sari chhôh chhô nah zâ ta y aw ei chi ta, nama thi lei nawpa ta, Abeipa biepiepa cha nama zyh awpa a châ. Cha cha ei hnohta biepiepa a châ,” tah ta.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

1 TIMAWTHY 6:20

Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

EZEKIA 8:5

Chatawhcha Abeipa ta, “Chyhsa sawchapawpa y, maw lâ na mo khaih teh,” na tah ta. Maw lâ cha ei mo khaih na ta, hiatliana khazoh nothlahpa kha, maisâh chhikao maw lâta angiana liata hmô na ta.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

1 THÂTIHZYRONA 6:49

Arawna nata a pathlazy deikua cha­, Khazohpa chakaotuhpa Mawsi ta bie a vaw piepa zydua hawhta, Su Pathaih Chaipa raihria zydua hriapa ta, Izarei châta chatlaina tao awpa ta, raopa hlâna maisâh liata nata ropahâhpa hlâna maisâh liata atheihna hlâna chakaona rai a hriatuhpazy ama châ.

MALUHREINA 18:5

Izarei sawzy chô liata hiehâhna a y khao lei nawpa ta, nâmo ta supathaihpa nata maisâh liata maophaohna zydua cha nama chaba khai aw.

MALUHREINA 3:38

Nochhi lâ chhâh ta achhyna byureih hmia lâ, ahmaohna poh o laihmia lâta noh vaw chhi tyhna dady ta poh o a parai awpa cha, Mawsi nata Arawna nata a sawchapawzy châ aw ei ta, âmo ta supathaihpa mohôh aw ei ta, Izarei sawzy ama mohôh aw. Khôtho chyhsa theihthaipa chakaona rai hria awpa ta achhyna byureih a hniapa maih cha thiepa a châ aw.

MALUHREINA 3:32

Theihthaipa Arawna sawchapawpa Eliaza cha Livai chi hyutuhpazy hyutuhpa châ aw ta, supathaihpa mohôhtuhpazy mohôhtuhpa a châ aw.

EZEKIA 40:17

Chatawhcha khôtho tlyhmia lâ nâ chhi ta. Tlyhmia chadôpa ta chhôhpadâhpazy nata lâpi miakha y ta. Lâpi lâ a heihpa ta chhôhpadâhpa sythôh a y.

EZEKIA 40:38

Raopa hlânazy pasi nawpa ta, ochhi eihpa a hneipa chhôhpadâhpa miakha chhikao o aikah liata y ta.

EZEKIA 44:11

Ei supathaihpa liata chakaotuhpa châ aw ei ta, Achhyna o chhikaozy vaih aw ei ta, Achhyna o chhôh liata chakaona rai ama hria aw. Zawpi ta raona hlâna nata atheihna ama hlâpa sazy thiepa aw ei ta, zawpi chakao awpa ta ama hmiakô liata amâ duah tyh aw.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

EZEKIA 45:4

Cha cha râh chhôh liata râh pathaihpa châ aw ta, supathaihpa liata a chakaotuhpa nata Abeipa chakao awpa ta a hniapa theihthaipazy y nawpa a châ aw. Theihthaipazy o sa nawpa nata supathaihpa sa nawpa râh pathaihpa a châ aw.