EZEKIA 40:4 - Mara Bible RV (BSI)

⁴ Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.

EZEKIA 40:4 ပူးပေါင်းရင်းမြစ်များ

ISAI 21:10

Hy sawhri sâh, ei sâh chakhy chiehpa y, Pheisaihzy Abeipa tawhta ei theipa cha chho na ta, Izarei Khazohpa tawhta ei theipa ei cha chho.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

EZEKIA 2:1

Chatawhcha Abeipa ta ei hnohta, “Chyhsa sawchapawpa y, na phei ta a duah teh, na hnohta bie ei reih aw,” tah ta.

EZEKIA 2:3

Abeipa ta ei hnohta hetana heta a tah: “Chyhsa sawchapawpa y, Izarei sawzy lâta ei cha tuah. Chhorupa phopi, keima nâ dyuhtuhpa phopi lâta ei cha tuah. Âmo pathlatuhpazy nata âmo cheingei ta tanoh taihta ei chô liata hmo ama parao ngâ thlâh haw.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 43:10

“Hy chyhsa sawchapawpa y, ama paraonazy vâta ama noza sala, Achhyna o sanazie awpa ama thlie thei nawpa ta, Izarei pathlazy cha Achhyna o nothlahpa pamosa mah y.

EZEKIA 44:5

Abeipa ta ei hnohta, “Chyhsa sawchapawpa y, Abeipa Achhyna o bieraopazy nata a ryhpazy kyh ei cha chho awpa zydua he, a phapa ta ngia la, na mo ta hmô sala, na nah ta thei mawh sy. Achhyna o lâ angiana zydua nata supathaihpa tawhta puana zydua a phapa ta ngia khai mah y.

EZEKIA 47:6

Chatawhcha ei hnohta, “Chyhsa sawchapawpa y, kha hmo kha na hmô ma?” na tah ta. Chavah ngiahkâ lâ na kuakhei heih ta.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

MATHAI 13:9

Nakhaoh a hneipa ta thei mawh sy,” tah ta.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

1 KAWRINI 11:23

Nama hnohta ei cha pie pachhuahpa ei he Abeipa tawhta ei hmôpa a châ. Abeipa Zisu cha patusapa ta a y zâ ta, viahchhâ la ta,

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.