EZEKIA 40:38 - Mara Bible RV (BSI)

³⁸ Raopa hlânazy pasi nawpa ta, ochhi eihpa a hneipa chhôhpadâhpa miakha chhikao o aikah liata y ta.

EZEKIA 40:38 ပူးပေါင်းရင်းမြစ်များ

1 ABEIZY 6:8

A ry chai chhâh chhikao cha Achhyna o chho lâchhâh ta y ta, cha tawhta a liah chhâh lâ kiana nata a liah chhâh tawhta chhâh thôhna lâ kiana kahmizy a y.

1 THÂTIHZYRONA 28:12

Abeipa o dôhpachhôh tlyhmia, tlyhmia a chadôpa chhôhpadâhpa zydua, Khazohpa o sôh sopakhynazy nata hmohlâpa pathaihpa sopakhynazy châta a pachhuapanohnazy chhao pie ta.

2 THÂTIHZYRONA 4:6

A si nawpa ta rahô miahrawh tao ta, chho lâ miapangawh, maw lâ miapangawh patyu ta. Chazy cha raopa hlâna châta hmâpa hmobaohzy pasi nawpa châ ta, tipâh cha theihthaipazy a si nawpa châta a châ.

NEHEMIAH 13:5

niepa hlâna, ropahâhpa, hmobaohzy, sâh su hrawh su khazy, kresawhti nata sathaw so tyhna chhôhpadâhpa lai ngaitapa cha Tôbia y nawpa ta vaw pachhuahpanoh ta. Cha liata hmo sopazy cha Livai pathlazy, hlasathaipazy, chhikao vaituhpazy nata theihthaipazy châta thyuna zy châta hmâ awpa ta biepiepa kha châ ta.

NEHEMIAH 13:9

Chatawhcha biepie na ta, chhôhpadâhpazy cha pathai ei ta, Khazohpa o hmobaohzy cha, niepa hlâna nata ropahâhpa chhaota a ngiakhei heih na ta.

ZEREMIAH 35:4

Abeipa o liata Khazohpa chyhsa Idaliah sawchapawpa Hâna sawzy chhôhpadâhpa lâ a vaw chhi ei na ta. Cha chhôhpadâhpa cha beimachâzy chhôhpadâhpa kiapâh liata y ta, Sâluh sawchapawpa ochhi vaituhpa Mâsei chhôhpadâhpa chô liata a ypa a châ.

ZEREMIAH 36:10

Chatawhcha châbu liata ropa Zeremiah biezy cha, Abeipa o liata zawpi zydua thei awpa ta, Abeipa o angiana Chhikao Thiehpa chô lâta dôhpachhôh tlyhmia liata a ypa Sâphâ sawchapawpa chârohtuhpa Kemariah chhôhpadâhpa tawhta Bâruka ta reih ta.

EZEKIA 40:12

Vaituhpazy chhôhpadâhpa hmiakô chavei chachâh ta pâhchhô a hnaipa y ta, dy kha chyu a chha. Chavei chachâh ta a ypa vaituhpa chhôhpadâhpazy cha, dy charu chyu a châ.

EZEKIA 40:17

Chatawhcha khôtho tlyhmia lâ nâ chhi ta. Tlyhmia chadôpa ta chhôhpadâhpazy nata lâpi miakha y ta. Lâpi lâ a heihpa ta chhôhpadâhpa sythôh a y.

EZEKIA 40:44

Dôhpachhôh tlyhmia liata, dôhpachhôh lâta a ypa chhikao o khôtho liata chhôhpadâhpa miano y ta, miakha cha maw chhikao o thaby liata chho lâ a heihpa ta y ta, ahropa cha chho chhikao o thaby liata maw lâ a heihpa ta y ta.

EZEKIA 40:45

Ano ta ei hnohta, “Chho lâ a heihpa chhôhpadâhpa he, Achhyna o a vaotuhpa theihthaipazy y nawpa châ ta,

EZEKIA 40:46

maw lâ a heihpa chhôhpadâhpa he, maisâh a vaotuhpa theihthaipazy y nawpa a châ. Âmo cha Zadô sawchapawzy châ ei ta, Livai sawchapawzy hry liata âmo deita he, Abeipa chakao awpa ta Abeipa a hnia theipazy ama châ,” tah ta.

EZEKIA 42:13

Chatawhcha chyhsa chata ei hnohta, “Tlyhmia dady liata a ypa maw lâta chhôhpadâhpazy nata chho lâta chhôhpadâhpazy he, chhôhpadâhpa pathaihpazy châ ei ta, Abeipa a hniapa theihthaipazy ta hmohlâpa pathaih chaipazy ama nie nawpa suzy a châ. Su pathaihpa a châpa vâta, hmohlâpa pathaih chaipazy, niepa hlâna, moleina hlâna nata thaileichâna hlâna zy cha, cha liata ama soh tyh awpa a châ.

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 8:21

Mawsi ta mietaku tôhpa chhôrih nata pheizy cha ti ta pasi ta, mietaku tôhpa cha a zydua ta maisâh liata rao ta. Abeipa ta Mawsi hnohta bie a piepa hawhta, cha cha ropahâhpa châta raopa hlâna, Abeipa lâta mei ta hmohlâpa a châ.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.