EZEKIA 40:36 - Mara Bible RV (BSI)

³⁶ Vaituhpa chhôhpadâhpazy, a pâhchhô chatipazy nata a aikah cha, chhikao hropazy liatapazy nata a kho ei ta, opyzy ama hnei. Maw lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.

EZEKIA 40:36 ပူးပေါင်းရင်းမြစ်များ

1 ABEIZY 7:4

A kâ lâta pâhchhôzy liata opyzy tlâh thôh ta patlâh ta, opyzy cha â dadypa ta taopa ama châ.

EZEKIA 40:16

Chhikao o cha opyzy hnei ta, vaituhpa chhôhpadâhpazy nata ama pâhchhô chatipa lâchhâh cha buah via laih lymâ ta, cha hawhna chata aikahzy chhao a chhôh lâta opyzy y ta, pâhchhô chatipazy liata thiahrâ kôzy a y.

EZEKIA 40:21

Chavei chachâh ta vaituhpa chhôhpadâhpazy miathôh chyu y ta, a pâhchhô chatipazy nata a chhikao aikah cha, chhikao miakhana nata a khopa sai ama châ. A doh dy sypangawh châ ta, a hâ dy kih nata dy pangawh a châ.

EZEKIA 40:29

Chhikao vaituhpa chhôhpadâhpazy, a pâhchhô chatipazy nata a aikah cha chhikao hropazy liatapa nata a kho ei ta, opyzy ama hnei khai. Nochhi lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.

EZEKIA 40:7

Vaituhpa chhôhpadâhpazy y ta, a doh la chôchahrei do kha, a hâ lâ chôchahrei do kha chyu a châ. Vaituhpa chhôhpadâhpazy likawh cha dy pangawh chyu kawh ta, Achhyna o chhôh lâ angiana chhikao aikah kiapâh liata a ypa chhikao châkeih cha chôchahrei do kha a châ.