EZEKIA 40:3 - Mara Bible RV (BSI)

³ Cha lâ cha nâ chhi ta, moh teh u, dawh hmia a phaopa chyhsa pakha vaw y ta, lari nata thliena chôchahrei a chabapa ta, chhikao liata a duah ta.

EZEKIA 40:3 ပူးပေါင်းရင်းမြစ်များ

ISAI 28:17

Adona cha thliena ri ta hmâh aw na ta, Siana cha thua bangiehpa padona ri ta ei hmâh aw. Pareih ta haipa bie achhaina cha phi pathlah aw ta, Tizy ta anyuna su a vao khai aw.”

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

EZEKIA 1:27

A chai hawhta â lâpa tawhta a chô lâ liata, thua patliepa a lyupa hmô na ta, a chhôh liata mei a lyupa y ta. A chai hawhta â lâpa tawhta a ry lâ liata, mei a lyupa hmô na ta, a chheipâh liata khaihna y ta.

EZEKIA 1:7

Ama pheizy patlâ ta, ama pheipazah ry cha viahchaotaw pheipazah lyu ta, dawh patliepa hawhta a pathlie.

EZEKIA 41:1

Chatawhcha chyhsa chata Achhyna opi lâ nâ chhi ta, a pâhchhô chatipazy thlie ta, a kâ chavei chachâh ta dy charu chha ta, cha cha byureih hâ a châ.

EZEKIA 42:16

Thliena chôchahrei ta nochhi lâchhâh thlie ta, dy za pangawh a châ.

EZEKIA 43:6

Chyhsapa kha ei kiapâh liata â dua thlâh ha nota, chyhsa pakha ta Achhyna o tawhta bie einâ vaw chhopa thei na ta.

EZEKIA 47:3

Chyhsa chata thliena ri chabapa ta nochhi lâ sie ta. Dy sâh kha thlie ta, ti cha na chakasa ta, lobyuh taih a pha.

EZEKIA 8:2

Moh na ta, chyhsapa pizie a lyupa hmô na ta. A chai a lyupa tawhta a ry lâ cha mei châ ta, a chai chô lâ cha thua patliepa hawhta a khaihpa a châ.

BIEPHUAH 1:15

A pheizy cha patisana mei liata pathaisapa dawh patliepa lyu ta, a ao cha tisaozy paropa pyu hawhta a châ.

BIEPHUAH 11:1

Chatawhcha lohthi chôchahrei hawhpa thliena na pie ta, ei hnohta, “Thyu la, Khazohpa Achhyna o nata maisâh zy thlie la, a chhôh liata achhytuhpazy chhao reih teh.

BIEPHUAH 21:15

Bie nâ chhotuhpa vâlyuhchâpa cha khihpi nata a chhikaozy nata a thokhy cha thlie nawpa ngôh lohthi hnei ta.