EZEKIA 40:22 - Mara Bible RV (BSI)

²² A opyzy, a aikahzy nata a thiahrâ kôzy cha, nochhi lâ a heihpa chhikao o liatapazy nata amâ kho khai. Kahmi chhâhchabi miasari kiapa ta, chyhsazy ta a su lâ khy aw ei ta, a aikah ama hmô tua chai aw.

EZEKIA 40:22 ပူးပေါင်းရင်းမြစ်များ

1 ABEIZY 6:29

Achhyna o pâhchhô zydua padôpa ta, a chhôh lâ chhao, khôtho lâ chhao, cherubizy, thiahrâ kôzy nata pawpi pakaipa nothlahpazy khiepa ta tobi ta.

1 ABEIZY 6:32

Cha ôli tho ochhi mianopazy cha cherubizy, thiahrâ kôzy nata pawpi pakaipa nothlahpazy khiepa ta tao ta, chazy cha ngôh ta pahu ta, cherubizy nata thiahrâ kôzy cha ngôh ta a thia ei.

1 ABEIZY 6:35

Chazy chô liata cherubizy, thiahrâ kôzy nata pawpi pakaipa nothlahpazy khie ta, â tlâkhâh kawpa ta ngôh ta pahu khaipa a châ.

1 ABEIZY 7:36

Patyuna ahniehnazy nata dawhphiazy cha, a su ruapa maih liata cherubizy, chakeibarôhneipazy, thiahrâ kôzy nata pawpi nothlahpazy ta a pabie.

1 ABEIZY 7:4

A kâ lâta pâhchhôzy liata opyzy tlâh thôh ta patlâh ta, opyzy cha â dadypa ta taopa ama châ.

2 THÂTIHZYRONA 3:5

Chhôhpadâhpa lai viapa pâhchhô liata meisah vyhpa bai ta, cha cha ngôh suapa ta pahu ta, cha liata thiahrâ tho nata bâlia nothlahpazy a tao.

EZEKIA 40:16

Chhikao o cha opyzy hnei ta, vaituhpa chhôhpadâhpazy nata ama pâhchhô chatipa lâchhâh cha buah via laih lymâ ta, cha hawhna chata aikahzy chhao a chhôh lâta opyzy y ta, pâhchhô chatipazy liata thiahrâ kôzy a y.

EZEKIA 40:25

Pâhchhô chatipazy nata aikah cha, opyzy ta chadô ta, pâhchhô chatipa nata aikah hropa opyzy nata amâ lyu. A doh cha dy sypangawh châ ta, a hâ dy kih nata dy pangawh a châ.

EZEKIA 40:26

A kia nawpa ta kahmi chhâhchabi miasari y ta, a aikah vaw y tua ta, chavei chachâh ta thiahrâ kôzy nata pâhchhô chatipazy miakha chyu a y.

EZEKIA 40:29

Chhikao vaituhpa chhôhpadâhpazy, a pâhchhô chatipazy nata a aikah cha chhikao hropazy liatapa nata a kho ei ta, opyzy ama hnei khai. Nochhi lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.

EZEKIA 40:31

A aikah cha dôhpachhôh khôtho tlyhmia lâ a heih ta, a pâhchhô chatipazy liata thiahrâ kôzy y ta, a kahmi cha chhâhchabi miacharie a hnei.

EZEKIA 40:34

A aikah cha dôhpachhôh khôtho tlyhmia lâ a heih ta, a pâhchhô chatipazy chavei chachâh ta thiahrâ kôzy y ta, a kahmi cha chhâhchabi miacharie a hnei.

EZEKIA 40:37

A aikah cha dôhpachhôh khôtho tlyhmia lâ a heih ta, a pâhchhô chatipazy chavei chachâh ta thiahrâ kôzy y ta, a kahmi cha chhâhchabi miacharie a hnei.

EZEKIA 40:49

A aikah cha a doh la dy kih châ ta, a hâ lâ dy hrawh hleino a châ. A kiana kahmi cha chhâhchabi mia hrawh a hnei. Pâhchhô chatipazy thaby chavei chachâh ta atôhzy a y.

EZEKIA 40:6

Chatawhcha nochhi lâ a heihpa chhikao lâ vawh ta, kahmi kiah ta, chhikao châkeih thlie ta, chôchahrei do kha a kawh.

HEBRAI 6:1

Chavâta Krista thâtih pachu pathaonazy tawhta laiseih lymâpa ta, pitlohna lâ pangai ei suh u. Hmotao thipazy liata rona lôbôzy bô chanei leipa ta, Khazohpa ngiapâna,

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.