EZEKIA 40:16 - Mara Bible RV (BSI)

¹⁶ Chhikao o cha opyzy hnei ta, vaituhpa chhôhpadâhpazy nata ama pâhchhô chatipa lâchhâh cha buah via laih lymâ ta, cha hawhna chata aikahzy chhao a chhôh lâta opyzy y ta, pâhchhô chatipazy liata thiahrâ kôzy a y.

EZEKIA 40:16 ပူးပေါင်းရင်းမြစ်များ

1 ABEIZY 6:29

Achhyna o pâhchhô zydua padôpa ta, a chhôh lâ chhao, khôtho lâ chhao, cherubizy, thiahrâ kôzy nata pawpi pakaipa nothlahpazy khiepa ta tobi ta.

1 ABEIZY 6:32

Cha ôli tho ochhi mianopazy cha cherubizy, thiahrâ kôzy nata pawpi pakaipa nothlahpazy khiepa ta tao ta, chazy cha ngôh ta pahu ta, cherubizy nata thiahrâ kôzy cha ngôh ta a thia ei.

1 ABEIZY 6:35

Chazy chô liata cherubizy, thiahrâ kôzy nata pawpi pakaipa nothlahpazy khie ta, â tlâkhâh kawpa ta ngôh ta pahu khaipa a châ.

1 ABEIZY 6:4

Achhyna o pâhchhô liata opy buahpazy pahy ta, opy tôhtlâhzy cha a vâhchapiapa ta a tao.

1 ABEIZY 7:4

A kâ lâta pâhchhôzy liata opyzy tlâh thôh ta patlâh ta, opyzy cha â dadypa ta taopa ama châ.

2 THÂTIHZYRONA 3:5

Chhôhpadâhpa lai viapa pâhchhô liata meisah vyhpa bai ta, cha cha ngôh suapa ta pahu ta, cha liata thiahrâ tho nata bâlia nothlahpazy a tao.

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

EZEKIA 40:12

Vaituhpazy chhôhpadâhpa hmiakô chavei chachâh ta pâhchhô a hnaipa y ta, dy kha chyu a chha. Chavei chachâh ta a ypa vaituhpa chhôhpadâhpazy cha, dy charu chyu a châ.

EZEKIA 40:15

Chhikao o khôtho lâta pâhchhô tawhta a chhôh lâta chhikao o aikah taihta dy sypangawh a châ.

EZEKIA 40:25

Pâhchhô chatipazy nata aikah cha, opyzy ta chadô ta, pâhchhô chatipa nata aikah hropa opyzy nata amâ lyu. A doh cha dy sypangawh châ ta, a hâ dy kih nata dy pangawh a châ.

EZEKIA 40:26

A kia nawpa ta kahmi chhâhchabi miasari y ta, a aikah vaw y tua ta, chavei chachâh ta thiahrâ kôzy nata pâhchhô chatipazy miakha chyu a y.

EZEKIA 40:29

Chhikao vaituhpa chhôhpadâhpazy, a pâhchhô chatipazy nata a aikah cha chhikao hropazy liatapa nata a kho ei ta, opyzy ama hnei khai. Nochhi lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.

EZEKIA 40:30

Dôhpachhôh tlyhmia chadôpa ta aikahzy y ta, aikah cha a doh lâ dy kih nata dy pangawh châ ta, a hâ lâ dy pangawh a châ.

EZEKIA 40:31

A aikah cha dôhpachhôh khôtho tlyhmia lâ a heih ta, a pâhchhô chatipazy liata thiahrâ kôzy y ta, a kahmi cha chhâhchabi miacharie a hnei.

EZEKIA 40:33

Chhikao vaituhpa chhôhpadâhpazy, a pâhchhô chatipazy nata a aikah cha chhikao hropazy liatapa nata a kho ei ta, opyzy ama hnei khai. Nochhi lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.

EZEKIA 40:34

A aikah cha dôhpachhôh khôtho tlyhmia lâ a heih ta, a pâhchhô chatipazy chavei chachâh ta thiahrâ kôzy y ta, a kahmi cha chhâhchabi miacharie a hnei.

EZEKIA 40:36

Vaituhpa chhôhpadâhpazy, a pâhchhô chatipazy nata a aikah cha, chhikao hropazy liatapazy nata a kho ei ta, opyzy ama hnei. Maw lâta dôhpachhôh tlyhmia cha, a doh lâ dy sypangawh châ ta, a hâ lâ dy kih nata dy pangawh a châ.

EZEKIA 40:37

A aikah cha dôhpachhôh khôtho tlyhmia lâ a heih ta, a pâhchhô chatipazy chavei chachâh ta thiahrâ kôzy y ta, a kahmi cha chhâhchabi miacharie a hnei.

EZEKIA 40:7

Vaituhpa chhôhpadâhpazy y ta, a doh la chôchahrei do kha, a hâ lâ chôchahrei do kha chyu a châ. Vaituhpa chhôhpadâhpazy likawh cha dy pangawh chyu kawh ta, Achhyna o chhôh lâ angiana chhikao aikah kiapâh liata a ypa chhikao châkeih cha chôchahrei do kha a châ.

EZEKIA 41:18

Chazy cha cherubi nothlahpazy nata thiahrâ kô nothlahpazy ta pangiapa châ ta, cherubi nata cherubi likawh liata thiahrâ kôzy y a lymâ. Cherubizy cha hmia no hnei chyu ei ta,

EZEKIA 41:25

Pâhchhôzy liata khiepa hawhta, Achhyna o chhôh ochhizy liata chhao, cherubi nata thiahrâ kô nothlahpazy khiepa a châ. Khôtho aikah hmia liata thophia ta vâphuh nohdi chhôhpa a y.

EZEKIA 41:26

Aikah pâhchhôzy, Achhyna o kâ lâta chhôhpadâhpazy nata vâphuh nohdi zy liata opy buahpazy y ta, pâhchhô hmia nata hnôh ta thiahrâ kô nothlahpazy khiepa a châ.

EZEKIA 41:3

Chhôhpadâhpa chhôh viapa lâ a ngia ta, angiana pâhchhô chatipazy thlie ta, dy no chyu chha ta, ochhi cha dy charu kawh ta, angiana chavei chachâh ta pâhchhôzy cha dy sari raihrie a kawh.

EZEKIA 42:3

Dôhpachhôh tlyhmia lâ nata khôtho tlyhmia lâpi lâ a heihpa ta, chhôhpadâhpa chhâh thôh liata pâhchhôzy liata atyunazy y ta.

ZAWHÂNA 5:2

Zerusale liata Mietaku Ochhi kiapâh liata tipo y ta, cha cha Hebrai reih ta Bethesdâ tah ei ta, okah miapangawh a hneipa a châ.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.