EZEKIA 4:6 - Mara Bible RV (BSI)

⁶ “Cha cha na patlô tita, na chachâh lâ a hniehpa ta a zia heih aw chi ta, Zudâh pathlazy moleina na phaoh heih aw. Kô kha châta noh kha lymâ ta, noh sypalih a zia awpa ta na châta ei cha rao.

EZEKIA 4:6 ပူးပေါင်းရင်းမြစ်များ

MALUHREINA 14:34

Râh nama mohparuna noh ziepa noh sypalih kha, noh kha vyuhpa ta kô kha lymâ ta, nama paraona vâta kô sypalih pasa nama tao aw; chatanachata ei ly leizie nama pahno aw.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 13:5

Chatawhcha apalaina nata Khazohpa reipachhiena pakah a hnohta piepa châ ta, thla sypalih nata thla no chhôh biehnei awpa ta pasaipa a châ.

BIEPHUAH 9:15

Cha dawh, cha noh, cha thla nata cha kô châta rao chiehpa vâlyuhchâpa papalihzy cha, chyhsa su thôh su kha thie awpa ta pathliepa châ ei ta.