EZEKIA 4:16 - Mara Bible RV (BSI)

¹⁶ Chatawhcha Abeipa ta ei hnohta, “Chyhsa sawchapawpa y, pachâ teh, Zerusale niedo hnawh chhie pachhô aw na ta, ama pati nie awpa tichho beihchho sapa ta, pachârôhpa ta nie aw ei ta, ama do awpa ti chhao panuapa ta, thlazohpa ta ti ama doh aw.

EZEKIA 4:16 ပူးပေါင်းရင်းမြစ်များ

2 ABEIZY 25:3

Thla palihna, noh chakina noh ta khihpi liata chakâh mozoh vaw tlô ta, râh zawpizy châta niedo y khao leipa ta.

2 ABEIZY 6:25

Samâri khihpi cha ama dôh hapa vâta, khihpi liata chakâh mozoh tlô ta, alâ luh miakha cha tâkâ sekel sycharie ta zuah ei ta, vachhuh ie saikhua khophie cha tâkâ sekel tlaw pangawh ta zuapa a châ.

HLAZY 105:16

Râh liata chakâhna patlôsa ta, Niepa hnawh zydua a chhie khai ha nota,

HLAZY 60:3

Na phopi he hmo rupazy pahmôsa chi ta, Kresawhti miah pado chi ta, Paochheichhâpa ta miah na tao haw.

ISAI 3:1

Moh tua u, Pheisaihzy Abeipa Zehôvâh ta Zerusale nata Zudâh apahniehnazy a la khai ha hih; Niedo zydua la khai ha ta, Ti zydua a la khai haw.

ZEREMIAH 52:6

Thla palihna, noh chakina noh ta khihpi liata chakâh mozoh vaw tlô pathao ta, râh zawpizy châta niedo rai y khao leipa ta.

CHAPHÔHTUNA 1:11

A khihsaw zydua a hrô ei ta, Viahchhâ ama tlua; Ama hro a pazao nawpa ta, Ama ryusôhpazy niedo ta ama ri. “Hy Abeipa, pachâ la, moh tua, Mohnaopa ta ei y ha hih.”

CHAPHÔHTUNA 5:4

Keimo ti tlai cha a mâ piepa ta do awpa byuh ha ta, Keimo tho tlai cha a mâ hneipa ta miah ama zua hnao.

CHAPHÔHTUNA 5:9

Râhchawhpa liata zaozi vâta, Eima hrona sokhâhpa ta viahchhâ eima hmô tyh.

EZEKIA 14:13

“Chyhsa sawchapawpa y, râh cha ngâchhih leipa ta ypa ta ei chô liata hmo a paraopa vâta, a chô liata ei ku hy aw na ta, niedo lana hnawh chhiepa ta, râh liata chakâhna patlôsa aw na ta, chyhsapa nata sazy râh tawhta ei chhawh pathlah khai ha tita cha,

EZEKIA 4:15

Abeipa ta ei hnohta, “Cha khiahta la, moh teh, chyhsapa ie vyuhpa ta, viahchao ie mei patihpa ta na viahchhâ cha tao awpa ta ei pasaih,” tah ta.

EZEKIA 5:16

Chakâhna nata raona châtai chichhih ngaitapazy ta ei cha ka ti ei ta, cha pahleipadia awpa ta cha ka aw ei na ta, nama chô liata chakâhna patlôsa via rili aw na ta, nama niedo hmôna hnawh ei chhie ha aw.

THEIHTHAINA 26:26

Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

AMÔSÂ 4:8

Chavâta khihpi miano miathôh ta Ti do awpa tluapa ta, Khihpi miakha lâ sie ei ta, Châhrasala ama lôhrâ tlô hlei vei; Chatanachôta kei lâ vaw kua veih ei chi,” Abeipa ta a tah.

BIEPHUAH 6:5

Chahnaona miathôhna a pathlâpa nahta, hmohrohneipa miathôhna ta, “A vy teh!” a tahpa thei na ta. Kaw moh na ta, arâ vyhpa hmô na ta. A chô liata a kiahpa cha khopathliahna bao kha a chaba ta.