EZEKIA 39:6 - Mara Bible RV (BSI)

⁶ Mâkaw nata tilaipi kiah râhzy liata chhôhmohpa ta a pahrâpazy chô liata mei papua aw na ta, chatanachata kei he Abeipa ei châ tahpa ama pahno aw.

EZEKIA 39:6 ပူးပေါင်းရင်းမြစ်များ

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ZEREMIAH 25:22

Tyre bei zydua, Sidaw bei zydua nata tilaipi haosâ liahpahlô beizy;

EZEKIA 30:16

Izi cha mei ta rao aw na ta, Pelusia cha thata pasataopa ta a y aw; Thebe thokhy cho aw ta, Mephi cha nohchhô ta chariah â tyh aw.

EZEKIA 30:8

Izi râh mei ta rao aw na ta, A baotuhpa zydua ei pahleipadia khai tita, Abeipa ei châ tahpa ama pahno aw.”

EZEKIA 30:9

“Cha noh liata, chhôhmohpa ta a ypa Kusi mo pachisa awpa ta, balyh ta lyuhchâpazy tuah aw ei na ta, Izi raona noh liata, ama chô liata nôpona ta a tlô thlu aw ei. Moh teh, cha noh cha a vaw tlô hai!

EZEKIA 37:6

Nâmo liata tharizy soh aw na ta, sapa ta cha vaw pahly aw ei na ta, vo ta ei cha khu aw ei. Nama chhôh liata hu soh aw na ta, nama hroh aw. Chatanachata kei he Abeipa ei châ tahpa nama pahno aw,’ tah mah y” tah ta.

EZEKIA 38:11

‘Thokhy a hnei leipa khihzy yna râh siehnao aw na ta, chhôhmohpa ta a ypa chyhsazy ei tla thlu aw ei. Ama zydua ta thokhy hnei leipa ta a pahrâpazy châ ei ta, thokhy chhikao nata ahraina thuatlai a hnei leipazy ama châ,’ na tah aw.

EZEKIA 38:13

Sebâ nata Dedâ nata Tâsi sôdaohpazy nata ama chhituhpa zydua ta na hnohta, ‘Hraona sôh la awpa ta ma nâ vy? Hraona sôh, tâkâ, ngôh nata sahroh zawzy nata hmobaohzy siekheipa ta, sôh hluhpi hrao awpa ta ma na pheisaihzy na pahmaoh?’ ama cha tah aw.

EZEKIA 38:2

“Chyhsa sawchapawpa y, Mâkaw râh liata Mese nata Tubâ bei lai chaipa Kawkâ lâ a heih la, hrohsona bie phuah thlu la,

EZEKIA 38:6

Kôme nata a pheisaih zydua a chhi aw ei na ta, maw chhâna lâta Tôkamâ pathla nata a pheisaih zydua ei chhi aw ei. Na hnohta phopi hluhpi ama y.

EZEKIA 39:5

Lyurâhpa liata na pao aw, ei reih haw, Abeipa Zehôvâh ta a tah.

AMÔSÂ 1:10

Chavâta Tyre thokhy chô liata mei tuah aw na ta, Abei ozy a kâ khai aw.”

AMÔSÂ 1:4

Chavâta Bei Hâze o liata mei tuah aw na ta, Benhadâ abei ozy a kâ khai aw.

AMÔSÂ 1:7

Chavâta Kâza thokhy chô liata mei tuah aw na ta, Abei ozy a kâ khai aw.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

BIEPHUAH 20:8

alei ki palih liata phopizy dôvei awpa ta pua aw ta, Kawkâ nata Makawkâ zy cha adyuhna châta a awpakhy aw. Ama maluh hluhzie cha tilaipi liata sadi hawhta a châ.

BIEPHUAH 20:9

Alei chô zydua hrâsie ei ta, mopathaihpazy riehmo nata khihpi kho ngaitapa cha chadô ei ta. Châhrasala avâ tawhta mei za tla ta, a kâ khai ha ei.

RYUREITUHPAZY 18:7

Chatawhcha chyhsa papangawhzy cha pua ei ta, Laisâh khih tlô ei ta, cha liata chyhsazy cha thlalôh kawpa ta y ei ta, Sidaw mo hawhta sidiapa nata chhôhmohpa ta ama ypa hmô ei ta. A chhâpa cha, ama chô liata bie a hneipa nata khâpa kyh vâta tlyma ama noh a pazao awpa râh liata ama y leipa vâta a châ. Sidaw mo nata chhao a hla kaw ei ta, ahy nata hmah azaona hnei veih ei.