EZEKIA 39:4 - Mara Bible RV (BSI)

⁴ Izarei tlâhpizy chô liata pao aw chi ta, nâ nata na pheisaih zydua nata na hnohta a ypa phopizy nama pao khai aw. Nama rizy cha sa hei a niepa pavaw to nata râh sahrâhpa to nie awpa ta ei pie aw.

EZEKIA 39:4 ပူးပေါင်းရင်းမြစ်များ

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 25:33

“Cha noh liata Abeipa ta a thiepa chyhsazy cha, alei chhâna hiakha lâ tawhta alei chhâna hiakha lâ taihta amâ zawh aw. Mâchhiesapa leipa aw ei ta, ama ri lapa châ leipa aw ta, pabupa châ hra aw veih ei. Alei chô liata ie hawhta ama châ aw.

EZEKIA 29:5

Râhchawhpa liata cha thy aw na ta, Na chavah nga zydua chhaota ei cha thy aw. Lyurâhpa liata tla aw chi ta, Na ri lapa châ leipa aw ta, Pabupa châ hra aw va chi. Nama rizy cha, Lei sahrâhpa nata vâ pavawzy hnohta, Nie awpa ta ei pie aw ei.”

EZEKIA 33:27

Ama hnohta reih teh, Abeipa Zehôvâh ta hetana heta a tah: Ei hrona reipa ta ei reih. Su rypa liata a ypazy cha zaozi ta pao tlai aw ei ta, lyurâhpa liata a ypazy cha sahrâhpazy hnohta ama nie awpa ta pie aw na ta, thokhy nata lôpu chhôh liata a ypazy cha potlana ta ama thi aw.

EZEKIA 35:8

A tlâhpizy cha a chyhsa ama thiepazy ta ei pabie aw. Na tlâhthlôhzy nata na saikaozy nata na chavah kao zydua liata zaozi ta thiepazy ama pao hôlô aw.

EZEKIA 38:21

Kawkâ a dyuh awpa ta, ei tlâhpi zydua chô liata zaozi pahmaoh aw na ta, chyhsa to zaozi ta a unawhpa â dyuh aw, Abeipa Zehôvâh ta a tah.

EZEKIA 39:5

Lyurâhpa liata na pao aw, ei reih haw, Abeipa Zehôvâh ta a tah.

NÂHU 3:3

Arâ pheisaihzy ta zaozi pathlipa ta a dyuh ei ta, Asei patliepazy ta amâ dyuh; Zasâh manôh ama thiepa rizy a pacho hôlô ta, Athihpa ri chhâ thai khao vei. Chyhsa rizy liata amâ pachhi!