EZEKIA 39:23 - Mara Bible RV (BSI)

²³ Phopizy ta Izarei pathlazy cha ama paraona vâta seichâna lâ a siepa ama châzie ama pahno aw. Ei chô liata ngâchhih leipa ta ama ypa vâta, âmo tawhta ei hmia nyupa ta, ama khakhaipazy ku liata hlâ ei na ta, zaozi ta ama pao khai hapa a châ.

EZEKIA 39:23 ပူးပေါင်းရင်းမြစ်များ

EZRÂ 9:7

Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

HLAZY 10:1

Hy Abeipa, khazia lâhlapi liata a duah chi ta, Nôpona noh liata nâ nyu tly?

HLAZY 106:41

Âmo cha phopizy ku liata pie ta, Âmo a haotuhpazy ta ama chô liata ryureih awpa ta a pie ha ei.

HLAZY 30:7

Hy Abeipa, na khokheina vâta, Ei tlâhpi cha thatlôpa ta paduasa chi ta; Na hmia na nyu ha tita deikua cha, Pachârôhpa ta ei y tyh.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 33:5

Kaldia mo a dyuh awpa ta a vy taraw ei ta, châhrasala ozy cha ei hiehâhna nata ei pathiiana ta ei thiepa rizy ta pabiepa tlao châ ei ta, ama moleina zydua vâta, he khihpi he ei hmia ei nyusai hapa kha a châ.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

CHAPHÔHTUNA 1:8

Zerusale cha thata molei ta, Chavâta a pualei haw; A thluahruana ama hmô hapa vâta, A za kaw tyhpazy chhao ta ama mohnao bâ; Ano chhao ta a hrô ta, Hiakha lâ tlâ â heih bâ.

EZEKIA 20:27

“Chavâta chyhsa sawchapawpa y, Izarei pathlazy chho la, ama hnohta, Abeipa Zehôvâh ta hetana heta a tah: Châ pathlatuhpazy chhao khata, ei chô liata ama ngâchhih leina hro ta ei moh eina pachhiepa ei.

EZEKIA 36:36

Nama chheipâh ta phopi a ypazy ta Abeipa ei châ tahpa pahno aw ei ta, su raopazy a paduapathituhpa nata roryhrapa ta a y hapa râh liata thozy a loh heihpa ei châ tahpa ama pahno aw. Kei Abeipa ta reih ha na ta, ei tao aw.

EZEKIA 39:29

Âmo tawhta ei hmia nyu khao leipa aw na ta, Izarei pathlazy chô liata ei Thlahpa tlao ei hry aw, Abeipa Zehôvâh ta a tah.”

EZEKIA 7:22

Âmo cha hmô lei a pachâ aw na ta, ei su pasô ngaitapa ama papuapalei aw. Hraotuhpazy ta a ngia aw ei ta, ama papuapalei aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

RYHPACHANEINA 32:20

Chavâta Abeipa ta, ‘Ei hmia nyusai aw ei na ta, Ama chhâna ei moh tua aw. Chhâ moleipa châ ei ta, Ngâchhih leipa sawzy ama châ.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 3:8

Chavâta Izarei chô liata Abeipa a pathi ia ta, Izarei sawzy cha Mesôpôtamia bei Kusarisathai lâ a zuah ha ei. Izarei sawzy cha Kusarisathai ry liata kô charie y ei ta.