EZEKIA 39:2 - Mara Bible RV (BSI)

² Cha pahiehpa ta, châ daophi aw na ta, Izarei tlâhpizy a dyuh awpa ta, maw chhâna tawhta ei châ vaw chhi aw.

EZEKIA 39:2 ပူးပေါင်းရင်းမြစ်များ

HLAZY 40:14

Ei hrona pahlei a chhuahpazy cha, Nozapa ta y ei sala, Hnabeidypa ta y mawh ei sy! Ei hmahphaona liata a lypazy cha, Nohzaopa ta kua mawh ei sy!

HLAZY 68:2

Meikhuh phaoh pathlahpa ta a ypa hawhta, Âmo cha papua aw chi ta; Mei liata kheilôh a zaopa hawhta, Moleipazy cha Khazohpa hmia­kô liata ama leidia aw.

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

EZEKIA 32:30

“Cha liata maw lâta abeizy y ei ta, âmo nata Sidaw mo zydua cha, ama thatlôna hmâpa ta chichhihna a patlôsatuhpazy ama châpa vâta, thiepazy hnohta nozapa ta a zupazy châ ei ta, zaozi ta thiepazy hnohta chopawtaileipa ta a zia ei ta, khaohtlô liata a tla hapazy hnohta nozapa ta ama y.

EZEKIA 38:15

Maw lâ râh chhâna, na yna su tawhta a vy aw chi ta, nâ nata na hnohta a ypa phopi hluhpi namâ vy aw. Ama zydua ta arâ a kiahpazy châ ei ta, pheisaih hluh ngaitapa nata thatlôpa ama châ.

EZEKIA 39:1

“Chavâta, nâ, chyhsa sawchapawpa y, Kawkâ kyh liata hrohsona bie phuah la, a hnohta hetana heta reih teh. Abeipa Zehôvâh ta hetana heta a tah: Moh teh, Hy Kawkâ, Mese nata Tubâ bei lai chaipa y, ei châ dyuh.

EZEKIA 39:3

Na ku chavei lâ liata na libaw chakhyh pathlah aw na ta, na ku chachâh lâta na châtaizy ei patlasa aw.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.